ଆଜିକାଲି ସୋସିଆଲ ମିଡିଆରେ ମଜାଦାର ଭିଡିଓ ଭାଇରାଲ ହେଉଛି । ବେଳେବେଳେ ଗାଡି ଚଳାଉଥିବାବେଳେ ଭୁଲ ଭଟ୍‌କାକୁ କମେଡି ଭାବେ ଦେଖାଯାଉଛି । ସେହିଭଳି ଏକ ଭିଡିଓ ଭାଇରାଲ ହେଉଛି । ଯେଉଁଠି ଜଣେ ସ୍ୱାମୀ ସ୍ତ୍ରୀଙ୍କୁ ବାଇକ୍ ଚଳାଇବା ଶିଖାଉଥିବାବେଳେ ସେ ଦୁର୍ଘଟଣା ଘଟାଇଛନ୍ତି । ଏହାକୁ ନେଇ କିଛି ୟୁଜର୍ସ ମଜାଦାର କମେଣ୍ଟ ମଧ୍ୟ କରିଛନ୍ତି । କିଏ କିଏ ପାପା କି ପରୀ ବୋଲି ମଧ୍ୟ ଲେଖିଛନ୍ତି ।

ଭିଡିଓ କ୍ଲିପ୍‌ରେ ସ୍ୱାମୀ ନିଜ ପତ୍ନୀଙ୍କୁ ବାଇକ୍ ଚଲାଇବା ଶିଖାଉଛନ୍ତି। ଏହି ସମୟରେ ସେ ଭିଡିଓର ସୁଟିଂ ମଧ୍ୟ କରୁଛନ୍ତି। ମହିଳା ଜଣକ ବାଇକ୍ ଚଳାଉଛନ୍ତି କିନ୍ତୁ ସେ ବୁଲିବା ଆରମ୍ଭ କରିବା ମାତ୍ରେ ରାସ୍ତାର ଅନ୍ୟପାର୍ଶ୍ୱରୁ ଆସୁଥିବା ସ୍କୁଟିକୁ ଦେଖି ବ୍ରେକ୍ ଲଗାଇବାରେ ଅସମର୍ଥ ହୋଇଥିଲେ । ସ୍ୱାମୀ ଦୂରରେ ଠିଆ ହୋଇ କେବଳ ପାଟି କରୁଥାନ୍ତି, ବ୍ରେକ୍ ଲଗାଅ … ବ୍ରେକ୍ ଲଗାଅ। କିନ୍ତୁ ମହିଳା ବାଇକର ବ୍ରେକ୍ ଲଗାଇ ପାରିଲେ ନାହିଁ । ଏହି ସମୟରେ ସ୍କୁଟି ଚାଳକ ଏବଂ ମହିଳାଙ୍କ ମଧ୍ୟରେ ଏକ ବଡ଼ ଧକ୍କା ହୋଇଥିବା ଦେଖାଦେଇଛି।

ପରେ ସ୍କୁଟି ଚାଳକ ଓ ମହିଳାଙ୍କ କ’ଣ ହୋଇଛି ଭିଡିଓରେ ନାହିଁ । ତଥାପି ସ୍କୁଟି ଚାଳକ ତାଙ୍କୁ ଗାଳି ଦେଇଥିବେ ନିଶ୍ଚୟ । ଯାହାବି ହେଉ ଭିଡିଓଟି ଭାଇରାଲ ହେଉଛି । କିଛି ଲୋକ ପରାମର୍ଶ ବି ଦେଉଛନ୍ତି । ଯଦି ପଛରେ ସ୍ୱାମୀ ନିଜେ ବସିଥାନ୍ତେ ତେବେ ଦୁର୍ଘଟଣା ଘଟିନଥାନ୍ତା ବୋଲି କହିଛନ୍ତି ।

Powered by Froala Editor