ବିଶ୍ୱକପ ୨୦୨୩ ର ଗ୍ରାଣ୍ଡ ଫାଇନାଲରେ ଭାରତ ଏବଂ ଅଷ୍ଟ୍ରେଲିଆ ପ୍ରତିଦ୍ୱନ୍ଦ୍ୱିତା କରିବାକୁ ପ୍ରସ୍ତୁତ ଅଛନ୍ତି। ଏହାରି ମଧ୍ୟରେ ଅନେକ ଭବିଷ୍ୟବାଣୀ କରିଛନ୍ତି ଜ୍ୟୋତିଷମାନେ ।

ଭାରତ କ୍ରିକେଟ ବିଶ୍ୱକପ ୨୦୨୩ ଜିତିବା ଉଚିତ ବୋଲି ଜ୍ୟୋତିଷ ସୁମିତ ବଜାଜ କହିଛନ୍ତି। ଏହି ବିଶ୍ୱକପରେ ଭାରତ ପାଇଁ ଟାଇଟଲ ଜିତିବା ଏକ କଠିନ ମ୍ୟାଚ ହେବ ବୋଲି ବଜାଜ ସୋସିଆଲ ମିଡିଆ ଏକ୍ସରେ ଲେଖିଛନ୍ତି।  ସେ ରୋହିତ ଶର୍ମାଙ୍କ ପ୍ରଭାବଶାଳୀ ଇନିଂସ ନେଇ କହିଛନ୍ତି ରୋହିତ ୭୫ ରନରୁ ଅଧିକ ସ୍କୋର କରିବାର ଆଶା ରହିଛି। ବଜାଜଙ୍କ ଭବିଷ୍ୟବାଣୀରେ ବିରାଟ କୋହଲି ମଧ୍ୟ ସାମିଲ ହୋଇଛନ୍ତି। ବିରାଟଙ୍କ ବ୍ୟାଟିଂ ଉପରେ ଦଳର ସ୍ଥିତି ନିର୍ଭର କରିବ ବୋଲି ସେ କହିଛନ୍ତି।

ସେପଟେ ବିଶ୍ବକପ ବିଜେତାକୁ ନେଇ ସୋସିଆଲ ମିଡିଆରେ ଏକ ଫଟୋ ଭାଇରାଲ ହେବାରେ ଲାଗିଛି  । ଏହି ଫଟୋରେ ବିଶ୍ବକପ ଟ୍ରଫି ସହ ଇଣ୍ଡିଆ ଓ ଅଷ୍ଟ୍ରେଲିଆ ଟିମର ଅଧିନାୟକ ନଜର ଆସୁଛନ୍ତି  । ଫଟୋ ଭାଇରାଲ ହେବା ପରେ ୟୁଜର୍ସ ବି ନାନା ମତ ଦେବାରେ ଲାଗିଛନ୍ତି । ସେହିପରି ଆଉ ଏକ ଫଟୋ ବି ଭାଇରାଲ ହେବାରେ ଲାଗିଛି  । ଯେଉଁଥିରେ ପୂର୍ବତନ ଚାମ୍ପିଅନ ଟିମର ଅଧିନାୟକ ଓ ରନର୍ସ ଅପ ଟିମର ଅଧିନାୟକ ଥିବା ଦେଖିବାକୁ ମିଳୁଛି  । ସେମାନଙ୍କ ମଝିରେ ବିଶ୍ବକପ ଟ୍ରଫି ରଖାଯାଇଛି  ।

Powered by Froala Editor