କେନ୍ଦୁଝର : ସମ୍ପର୍କରେ କଳଙ୍କ। ପ୍ରଥମେ ଶାଳୀକୁ ଦୁଷ୍କର୍ମ କରିଥିଲା, ବିରୋଧ କରିବା ସତ୍ତ୍ଵେ ରାକ୍ଷସ ଜ୍ବାଇଁର କାମୁକ ଜ୍ବାଳାରୁ ବଞ୍ଚିପାରି ନଥିଲା ଶାଶୂ। ଶାଳୀ ଓ ଶାଶୂକୁ ଦୁଷ୍କର୍ମ କରିବା ପରେ କଥା ଚପାଇଦେବାକୁ କୁରାଢୀରେ ଶାଳୀକୁ ହାଣି ୨୦୦ ଫୁଟ ଖାଇକୁ ଫିଙ୍ଗିଦେଲା ଭିଣୋଇ। କଳେବଳେ କୌଶଳେ ଖସିଗଲେ ଶାଶୂ।
ସୂଚନାନୁଯାୟୀ, କେନ୍ଦୁଝର ଜିଲ୍ଲା ବଲାଣି ଥାନା କିରିବୁର ଅଞ୍ଚଳରେ ଗତକାଲି ମଧ୍ୟାହ୍ନରେ ଜଘନ୍ୟ କାଣ୍ଡ। ଶାଶୂ ଓ ଶାଳୀ ସହ ଜଙ୍ଗଲକୁ ଛତୁ ଓ କୁରକୁଟି ଆଣିବାକୁ ଯାଇଥିବା ବେଳେ ଜ୍ବାଇଁ ଦ୍ୱାରା ଜଘନ୍ୟ ଅପରାଧ । ଜଙ୍ଗଲରେ ଶାଶୁଙ୍କୁ ବାନ୍ଧି ଶାଳୀକୁ ଦୁଷ୍କର୍ମ ପରେ ଶାଳୀକୁ ଟାଙ୍ଗିଆରେ ହାଣି ହତ୍ୟା କଲା ଭିଣୋଇ । ହତ୍ୟାକାରୀ ହେଉଛି ରୂପ ସିଂ ସିଦ୍ଧୁ। ମୂର୍ଗାପଡାରେ ରହୁଥିବା ଶାଶୁ ଫୁଲମଣି ହସା ଓ ଶାଳୀ ମରିୟମ ହସା ସହିତ ରୂପ ସିଂ ଜଙ୍ଗଲକୁ ଛତୁ ସଂଗ୍ରହ କରିବା ପାଇଁ ଯାଇଥିଲେ। ବାଟରେ ଶାଳୀ ମରିୟମ ସହିତ ଝଗଡା ହୋଇଥିଲା। ପରେ ଏହି ଝଗଡା ଉଗ୍ର ରୂପ ନେବାରୁ ରୂପ ସିଂ ମରିୟମକୁ ଦୁଷ୍କର୍ମ କରିବା ପରେ କୁରାଢ଼ୀରେ ବେକକୁ କାଟି ୨୦୦ ଫୁଟ ଖାଇକୁ ଫିଙ୍ଗି ଦେଇଥିଲା। ଏହାପରେ ଶାଶୂ ଫୁଲମଣିର ହାତକୁ ବାନ୍ଧି ଦୁଷ୍କର୍ମ କରିଥିଲା। କୌଶଳ କ୍ରମେ ଫୁଲମଣି ଖସି ଆସି କିରିବୁର ଥାନାରେ ଖବର ଦେବାରୁ କିରିବୁର ପୋଲିସ ଘଟଣା ସ୍ଥଳରେ ପହଞ୍ଚି ବଲାଣି ଥାନାକୁ ଖବର ଦେଇଥିଲା। ତେବେ ମରିୟମର ମୃତଦେହ ୨୦୦ ଫୁଟ ତଳେ ଖାଇରେ ଖସି ପଡିଥିବା ହେତୁ ଏଯାଏଁ ମୃତଦେହ ଉଦ୍ଧାର ହୋଇନାହିଁ। ହତ୍ୟାକାରୀ ରୂପ ସିଂ ସିଦ୍ଧୁ ବର୍ତ୍ତମାନ ଯାଏଁ ଫେରାର ଅଛି ।

Powered by Froala Editor