ମୁମ୍ବଇ / ଭୁବନେଶ୍ୱର : ରିଲାଏନ୍ସ ଇଣ୍ଡଷ୍ଟ୍ରିଜ ଲିମିଟେଡ ୨୦୨୦-୨୧ ଆର୍ଥିକ ବର୍ଷରେ ତାହାର ସାମାଜିକ କର୍ପୋରେଟ ଦାୟିତ୍ୱ (ସିଏସଆର୍‌) ନିର୍ବାହନ କ୍ଷେତ୍ରରେ ୧୧୪୦ କୋଟି ଟଙ୍କା ଖର୍ଚ୍ଚ କରିଥିବା କମ୍ପାନୀର ସଦ୍ୟତମ ବାର୍ଷିକ ରିପୋର୍ଟରୁ ଜଣାପଡିଛି । ସେଥିମଧ୍ୟରେ କୋଭିଡ-୧୯ ବିରୋଧୀ ଲଢେଇରେ ସହଯୋଗ, ଗ୍ରାମାଂଚଳର ବିକାଶମୂଳକ ରୂପାନ୍ତରଣ, ଶିକ୍ଷା, ସ୍ୱାସ୍ଥ୍ୟ, କ୍ରୀଡା ଏବଂ ବିପର୍ଯ୍ୟୟ ମୁକାବିଲା ଆଦି କାର୍ଯ୍ୟକ୍ରମ ଅନ୍ତର୍ଭୁକ୍ତ ରହିଛି । ଏହି ରିପୋର୍ଟ ଅନୁଯାୟୀ ପୂର୍ବ ଆର୍ଥିକ ବର୍ଷ ଅର୍ଥାତ ୨୦୧୯-୨୦ରେ ରିଲାଏନ୍ସ ସିଏସଆର୍ ବାବଦରେ ୧୦୨୨ କୋଟି ଟଙ୍କା ଖର୍ଚ୍ଚ କରିଥିଲା ।

କୋଭିଡ-୧୯ ବିରୋଧରେ ଭାରତର ଲଢେଇରେ ସାମିଲ ହୋଇ ରିଲାଏନ୍ସ ଇଣ୍ଡଷ୍ଟ୍ରିଜ ସ୍ୱାସ୍ଥ୍ୟସେବା ଉପକରଣ, ଚିିକତ୍ସାରେ ବ୍ୟବହାର ହେଉଥିବା ତରଳ ମେଡିକାଲ୍ ଗ୍ରେଡ୍ ଅମ୍ଳଜାନ, ଭୋଜନ ଏବଂ ମାସ୍କ ବଂଟନ ଆଦି ବିଗତ ଏକବର୍ଷ ଧରି ଯୋଗାଇ ଆସୁଛି । ଏହା ନିଜର ଜାମ୍‌ନଗରସ୍ଥିତ କାରଖାନାକୁ ସ୍ୱତନ୍ତ୍ର ଭାବେ ପ୍ରସ୍ତୁତ କରି ବିିଭିନ୍ନ ରାଜ୍ୟକୁ ପ୍ରତିଦିନ ୧୦୦୦ ଟନ୍ ମେଡିକାଲ୍ ଗ୍ରେଡ୍ ଅମ୍ଳଜାନ ମାଗଣାରେ ଯୋଗାଇବା ବ୍ୟବସ୍ଥା କରିଛି ଏବଂ ତଦ୍ଦ୍ୱାରା ଦୈନିକ ପ୍ରାୟ ୧ ଲକ୍ଷ ଲୋକଙ୍କର ଅମ୍ଳଜାନ ଆବଶ୍ୟକତା ପୂରଣ କରୁଛି । କମ୍ପାନୀ ୨୭ ଲକ୍ଷରୁ ଅଧିକ ହିତାଧିକାରୀଙ୍କୁ ୫.୫ କୋଟିରୁ ଅଧିକ ଭୋଜନ ବଂଟନ କରିବା ସହିତ କୋଭିଡ ଯତ୍ନ ଓ ଚିକିତ୍ସା କେନ୍ଦ୍ରଗୁଡିକ ପାଇଁ ଦେଶର ବିଭିନ୍ନ ସ୍ଥାନରେ ୨୩୦୦ରୁ ଅଧିକ ମେଡିକାଲ୍ ଶଯ୍ୟା ବ୍ୟବସ୍ଥା କରିଛି ଏବଂ ମୁମ୍ବଇରେ ଭାରତର ପ୍ରଥମ କୋଭିଡ ଡାକ୍ତରଖାନା ସ୍ଥାପନରେ ସହାୟତା କରିଛି । ତତ୍‌ସହିତ ଏହା ୮୧ ଲକ୍ଷ ପୁନଃ ବ୍ୟବହାରଯୋଗ୍ୟ ମାସ୍କ ଦେଶର ୨୧ ରାଜ୍ୟ ଓ ୨ଟି କେନ୍ଦ୍ରଶାସିତ ଅଂଚଳରେ ୫୦ ଲକ୍ଷ ସମ୍ମୁଖଭାଗ ଯୋଦ୍ଧା ଏବଂ ଅତ୍ୟାବଶ୍ୟକ ସେବା ଯୋଗାଣକାରୀଙ୍କୁ ବଂଟନ କରିଛି । ଏହି ସଂସ୍ଥା ଦେଶର ୧୮ଟି ରାଜ୍ୟର ୨୪୯ଟି ଜିଲାରେ ୧୪ହଜାରରୁ ଅଧିକ ଆମ୍ବୁଲାନ୍ସ ଏବଂ କୋଭିଡ-୧୯ ସେବାରେ ନିୟୋଜିତ ଜରୁରୀକାଳୀନ ଯାନବାହନ ପାଇଁ ୫.୫ ଲକ୍ଷ ଲିଟର ଇନ୍ଧନ ମାଗଣାରେ ଯୋଗାଇ ଦେଇଛି । ଗୁଜରାଟର ସିଲ୍‌ଭାସାଠାରେ ଏକ ନିର୍ମାଣ ୟୁନିଟ୍‌କୁ ଖୁବ୍ କମ୍ ସମୟରେ ପରିବର୍ତ୍ତତ କରାଯାଇଛି ଯାହା ବିଭିନ୍ନ ସମ୍ମୁଖଭାଗ କର୍ମୀଙ୍କ ପାଇଁ ପ୍ରତିଦିନ ୧,୦୦,୦୦୦ ପିପିଇ କିଟ୍ ଏବଂ ମାସ୍କ ପ୍ରସ୍ତୁତ କରୁଛି ।  

ଅନୁରୂପ ଭାବରେ ଗ୍ରାମାଂଚଳରେ ବିକାଶମୂଳକ ରୂପାନ୍ତରଣ ଆଣିବା ପ୍ରୟାସରେ ୧୩୧ ଲକ୍ଷ ଘନମିଟର ଜଳ ଅମଳ କ୍ଷମତା ସୃଷ୍ଟି କରିବା ସହିତ ସ୍ଥାନୀୟ ପ୍ରଶାସନକୁ ସୁଦୃଢ କରିବାକୁ ୧୦ହଜାରରୁ ଅଧିକ ନିର୍ବାଚିତ ଲୋକ ପ୍ରତିନିଧି ଏବଂ ଗ୍ରାମ୍ୟ ସେଚ୍ଛାସେବୀଙ୍କୁ ତାଲିମ ପ୍ରଦାନ, ୮୮୦୦ ବେରୋଜଗାରଙ୍କୁ ତାଲିମ, ୨୦ଟି ରାଜ୍ୟ ଏବଂ ୧୫୦ରୁ ଅଧିକ ସହରରେ ୩୯ ଟି କୌଶଳ ତାଲିମ ଦେଉଥିବା ସହଭାଗୀଙ୍କୁ ସମର୍ଥନ ଯୋଗାଇଛି । ରିଲାଏନ୍ସ ଭ୍ରାମ୍ୟମାଣ ଚିକିତ୍ସା ୟୁନିଟ (ଏମଏମୟୁ), ସ୍ଥାୟୀ ଭାବରେ ରହିଥିବା ଚିକିତ୍ସା ୟୁନିଟ (ଏସଏମୟୁ) ଏବଂ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର (ସିଏଚସି) ଜରିଆରେ ୨.୩ ଲକ୍ଷ ସ୍ୱାସ୍ଥ୍ୟ ପରାମର୍ଶ ପ୍ରଦାନ କରିଛି । ଏହା ମଧ୍ୟ ପ୍ରାଥମିକଠାରୁ ଆରମ୍ଭ କରି ମାଧ୍ୟମିକ, ଉଚ୍ଚତର ସ୍ତରରେ ବହୁବିଧ ଶିକ୍ଷାଗତ ପ୍ରୟାସକୁ ସହାୟତା କରିଛି । ଜିଓ ଇନଷ୍ଟିଚ୍ୟୁଟ ନବି ମୁମ୍ବଇରେ ୫୨ ଏକର ପରିମିତି ଅଂଚଳ ଏବଂ ୩,୬୦,୦୦୦ ବର୍ଗଫୁଟ ପରିମିତ ସ୍ଥାନରେ ‘ଗ୍ରୀନଫିଲ୍ଡ ଇନଷ୍ଟିଚ୍ୟୁଟ ଅଫ ଏମିନେନ୍ସ’ ନାମରେ ଏକ ଷ୍ଟାର୍ଟଅପ କ୍ୟାମ୍ପସ ସ୍ଥାପନ କରିଛି । ଚଳିତ ଶିକ୍ଷାବର୍ଷରୁ ସେଠାରେ ତାଲିମ ପ୍ରଦାନ ଆରମ୍ଭ ହେବ ।

ଋିଲାଏନ୍ସ ଇଣ୍ଡଷ୍ଟ୍ରିଜର ଜନକଲ୍ୟାଣକାରୀ ଶାଖା ରିଲାଏନ୍ସ ଫାଉଣ୍ଡେସନ ଭାରତର ଶିଶୁ ଓ ଯୁବଗୋଷ୍ଠୀଙ୍କ ମଧ୍ୟରେ ଶିକ୍ଷା ଆହରଣ ଏବଂ ନେତୃତ୍ୱ ତିଆରି କରିବା କ୍ଷେତ୍ରରେ କ୍ରୀଡାକୁ ଏକ ମାଧ୍ୟମ ଭାବରେ ପ୍ରୋତ୍ସାହିତ କରିଛି । ଏହା ଆରମ୍ଭ ହେବା ଦିନଠାରୁ ଫିଟ୍‌ନେସ ତାଲିମ, ପୁଷ୍ଟିସାଧନ ଏବଂ ପ୍ରଶିକ୍ଷଣ ଆଦି ଜରିଆରେ ଦେଶର ୨.୧୫ କୋଟି ଯୁବଗୋଷ୍ଠୀଙ୍କ ନିକଟରେ ପହଂଚିିଛି । ଅଲିମ୍ପିକ କ୍ରୀଡା ଏବଂ ଅନ୍ୟ ସମ୍ମାନଜନକ ଆନ୍ତର୍ଜାତିକ କ୍ରୀଡା କାର୍ଯ୍ୟକ୍ରମରେ ଭାରତର ପଦକ ବିଜୟ ସମ୍ଭାବନାରେ ଉନ୍ନତି ଆଣିବା ଲକ୍ଷ୍ୟରେ ସଂପ୍ରତି ରିଲାଏନ୍ସ ତୀରନ୍ଦାଜ, ଦୌଡକୁଦ, ବ୍ୟାଡମିଂଟନ ଏବଂ ଭାରୋତଳନ ଆଦି କ୍ଷେତ୍ରରେ ୧୧ ଜଣ କ୍ରୀଡାବିତଙ୍କୁ ସହାୟତା କରୁଛି ।

ଏହା ଆର୍ଟିଫିସିଆଲ ଇଂଟେଲିଜେନ୍ସ ଏବଂ କଂପ୍ୟୁଟର ବିଜ୍ଞାନ କ୍ଷେତ୍ରରେ ରିଲାଏନ୍ସ ଫାଉଣ୍ଡେସନ ମେଧା ବୃତ୍ତି ପ୍ରଚଳନ କରିବା ସହିତ ପ୍ରଯୁକ୍ତି ପ୍ଲାଟଫର୍ମ ସଂପର୍କରେ ରିଲାଏନ୍ସ ଫାଉଣ୍ଡେସନର ବିଦ୍ୟାଳୟଗୁଡିକରେ କାର୍ଯ୍ୟରତ ୭୬୩ ଜଣ ଶିକ୍ଷକ ଏବଂ୧୧୬ ଜଣ ଅଣଶିକ୍ଷକ କର୍ମଚାରୀଙ୍କୁ ୪୧୦୦ ଘଂଟାର ତାଲିମ ପ୍ରଦାନ କରିଛି । ଏଥିସହିତ ଏହା ୭୫ଟି ସରକାରୀ ବିଦ୍ୟାଳୟର ଉନ୍ନତିସାଧନ କରିବା ସହିତ ମଧ୍ୟପ୍ରଦେଶରେ ୨୨୧ ଜଣ ମାଷ୍ଟର ତାଲିମଦାତାଙ୍କୁ ପ୍ରଶିକ୍ଷଣ ଦେଇଛି ।

ଏହା ବାତ୍ୟା ଅମ୍ଫାନ, ନିସର୍ଗ, ବୁରେଭି ଏବଂ ନିଭାର ଆଦି ସମୟରେ ସ୍ୱୀକୃତିପ୍ରାପ୍ତ ସରକାରୀ ବିଭାଗ ଏବଂ ସ୍ଥାନୀୟ ପ୍ରଶାସନ ସହିତ ସମନ୍ୱୟ ରକ୍ଷାକରି ବାତ୍ୟା ପୂର୍ବ ଓ ପରବର୍ତୀ ମାର୍ଗଦର୍ଶିକା ଯୋଗାଇ ଦେଇଥିଲା । ଗୋଦାବରୀରେ ହୋଇଥିବା ବନ୍ୟା କାରଣରୁ ଶସ୍ୟରେ ରୋଗପୋକ ଜନିତ ହାନି ପରିସ୍ଥିତିରେ ଏହା ବନ୍ୟା ପୂର୍ବ ଓ ପରବର୍ତୀ ସମୟରେ ୨୦ ହଜାରରୁ ଅଧିକ ବ୍ୟକ୍ତିବିଶେଷଙ୍କୁ ସହାୟତା କରିଥିଲା । ଉତ୍ତରାଖଣ୍ଡରେ ବନ୍ୟା ପରବର୍ତୀ ସମୟରେ ରିଲାଏନ୍ସ ଫାଉଣ୍ଡେସନ ବିପର୍ଯ୍ୟୟ ମୁକାବିଲାକାରୀ ଦଳସହିତ ଛିଡାହୋଇ ୨୫୦ ଜଣଙ୍କ ପାଇଁ ଭୋଜନ ଏବଂ ୧୫୦ ପରିବାର ପାଇଁ ରାସନ କିଟ୍ ଯୋଗାଇ ଦେଇଥିଲା । ଅନୁରୂପ ଭାବରେ ପ୍ରାଣୀ ସମ୍ପଦଙ୍କ ସେବା ଓ ଚିକିତ୍ସା ନିମନ୍ତେ ମଧ୍ୟ ଏହା ଦେଶର ଗ୍ରାମାଞ୍ଚଳରେ ବିଭିନ୍ନ ଅଣସରକାରୀ ସଂଗଠନ ସହଯୋଗରେ ଆବଶ୍ୟକ ସହାୟତା କରିଆସୁଛି ।

Powered by Froala Editor