ଏନସିଇଆରଟି ବହିରେ ହେବ ବଡ଼ ପରିବର୍ତ୍ତନ : ‘ଇଣ୍ଡିଆ’ ବଦଳରେ ଲେଖାଯିବ ‘ଭାରତ’
ଖୁବଶୀଘ୍ର ଜାତୀୟ ଶିକ୍ଷା ଅନୁସନ୍ଧାନ ଏବଂ ପ୍ରଶିକ୍ଷଣ ପରିଷଦ (ଏନସିଇଆରଟି) ବହିରେ ପରିବର୍ତ୍ତନ ଦେଖିବାକୁ ମିଳିବ। ବଦଳିବ ଦେଶର ନାଁ। ଏବେ ଏନସିଇଆରଟିର ବହିରେ ‘ଇଣ୍ଡିଆ’ ବଦଳରେ ଲେଖାଯିବ ‘ଭାରତ’। କିଛି ଦିନ ପୂର୍ବରୁ ପରବର୍ତ୍ତୀ ପୁସ୍ତକରେ ‘ଇଣ୍ଡିଆ’ ବଦଳରେ ‘ଭାରତ’ ଲେଖାଯିବା ନେଇ ଏନସିଇଆରଟି ପ୍ୟାନେଲ ପ୍ରସ୍ତାବ ଦେଇଥିବା ବେଳେ ଏହାର ସଦସ୍ୟମାନେ ପ୍ରସ୍ତାବକୁ ଗ୍ରହଣ କରିଛନ୍ତି।
ଏନ୍ସିଆର୍ଟି ପ୍ୟାନେଲର ଜଣେ ସଦସ୍ୟଙ୍କ କହିବା ମୁତାବକ, ଯଦି ଦିଆଯାଇଥିବା ପ୍ରସ୍ତାବ ପାସ୍ ହୁଏ ତେବେ ଏନ୍ସିଆର୍ଟିର ପରବର୍ତ୍ତୀ ବହି ସେଟ୍ରେ ଇଣ୍ଡିଆର ନାଁ ବଦଳାଇ ଭାରତ କରିଦିଆଯିବ। କେବଳ ସେତିକି ନୁହେଁ ପାଠ୍ୟପୁସ୍ତକରେ 'ହିନ୍ଦୁ ଭିକ୍ଟ୍ରିଜ'କୁ ଉଜାଗର କରିବା ପାଇଁ ମଧ୍ୟ ସୁପାରିଶ କରିଛି କମିଟି।
ବାସ୍ତବରେ ଇଣ୍ଡିଆ ଶବ୍ଦର ବ୍ୟବହାର ସାଧାରଣ ରୂପେ ଇଷ୍ଟ ଇଣ୍ଡିଆ କମ୍ପାନୀ ଓ ୧୭୫୭ର ପଲାସୀ ଯୁଦ୍ଧ ପରେ ଆରମ୍ଭ ହୋଇଥିଲା। ସେହିପରି ୭ ହଜାର ବର୍ଷ ପୁରୁଣା ବିଷ୍ଣୁ ପୁରାଣ ଭଳି ପ୍ରାଚୀନ ଲେଖାରେ 'ଭାରତ' ଶବ୍ଦର ବ୍ୟବହାର ହୋଇଥିବା ଦେଖିବାକୁ ମିଳେ। ତେଣୁ ସମସ୍ତଙ୍କ ସହମତିରେ କମିଟି ସମସ୍ତ ଶ୍ରେଣୀର ବହିରେ 'ଇଣ୍ଡିଆ' ବଦଳରେ 'ଭାରତ' ନାଁ ବ୍ୟବହାର କରାଯିବା ଉଚିତ ବୋଲି ସୁପାରିଶ କରିଛି।
Powered by Froala Editor
