ଭୁବନେଶ୍ୱର: ରାଜ୍ୟରେ କରୋନାକୁ ମାତ ଦେବା ଦେବା ପାଇଁ ଟିକାକରଣ ଅଭିଯାନକୁ ଜୋରଦାର କରାଯାଇଛି । ତେବେ ଅଧିକାଂଶ ସ୍ଥାନରେ ଟିକାର ଅଭାବ ଯୋଗୁ ଟିକାକରଣ ବାଧାପ୍ରାପ୍ତ ହେଉଛି । ତେବେ ଟିକା ପାଇଁ ରାଜ୍ୟ ସରକାର ଗ୍ଲୋବାଲ ଟେଣ୍ଡର କରିଥିବାବେଳେ ଉକ୍ତ ଟେଣ୍ଡରରେ ମାତ୍ର ୨ଟି କମ୍ପାନୀ ଆସିଥିଲେ ବୋଲି ଜଣାଯାଇଛି । ଏନେଇ ସ୍ୱାସ୍ଥ୍ୟ ନିଦେ୍ର୍ଧଶକ ବିଜୟ ମହାପାତ୍ର ସୂଚନା ଦେଇଛନ୍ତି ।
ସେ କହିଛନ୍ତି ଯେ, ଟେଣ୍ଡରରେ ୨ଟି କମ୍ପାନୀ ଆସିଥିଲେ ।  ଏବେ ଡକୁ୍ୟମେଣ୍ଟ ଭେରିଫିକେସନ ଚାଲିଛି ।  କମ୍ପାନୀମାନେ ସିଧାସଳଖ ଆସନ୍ତିନାହିଁ । ସେମାନେ ଏଜେନ୍ସି ମାଧ୍ୟମରେ ଆସିନ୍ତି ।  ଯେପର୍ଯ୍ୟନ୍ତ ଟେକ୍ନିକାଲ କ୍ଲିୟରାନ୍ସ ଆସିନାହିଁ କିଛି କହି ହେବନି ।

ଅନ୍ୟପକ୍ଷରେ ଏବେ ରାଜ୍ୟରେ ସଂକ୍ରମଣ ହାର ୧୦ ପ୍ରତିଶତ ପାଖାପାଖି ଅଛି ।  ଏହି ଧାରା ଜାରି ରହିଲେ ଧୀରେ ଧୀରେ ଓଡ଼ିଶାରେ ଲକଡାଉନ କୋହଳ କରାଯିବ ବୋଲି  ସ୍ୱାସ୍ଥ୍ୟ ନିଦେ୍ର୍ଧଶକ ବିଜୟ ମହାପାତ୍ର କହିଛନ୍ତି ।

ପ୍ରକାଶ ଯେ,  ଯଦିଓ ଏବେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ପୂର୍ବାପେକ୍ଷା  ଧୀରେ ଧୀରେ କମୁଛି, ତେବେ ମୃତୁ୍ୟ ସଂଖ୍ୟାରେ ବ୍ରେକ ଲାଗୁନି । ଅନ୍ୟପକ୍ଷରେ କରୋନାକୁ ମାତ ଦେବା ବା  କରୋନା ଚେନକୁ ଭାଙ୍ଗିବା ପାଇଁ ଏବେ ରାଜ୍ୟରେ ଆସନ୍ତା ୧୭ ତାରିଖ ପର୍ଯ୍ୟନ୍ତ ଲକଡାଉନ ଜାରି କରାଯାଇଛି । ତେବେ ୧୭ ପରେ  ପୁଣି ଲକଡାଉନ  ଅବଧିକୁ ବୃଦ୍ଧି କରାଯିବ  ନା ଲକଡାଉନକୁ କୋହଳ କରାଯିବ ତାକୁ ନେଇ ଲୋକେ ଏବେ ସନ୍ଦୀହାନ ଅବସ୍ଥାରେ ରହିଛନ୍ତି ।  କାରଣ କରୋନା ଲକଡାଉନ ଯୋଗୁଁ ଲୋକଙ୍କ ଜୀବିକା ଏବେ ଉଜୁଡ଼ି ଯିବାକୁ ବସିଲାଣି ।

Powered by Froala Editor