ଭୁବନେଶ୍ୱର:  ଗତକାଲି ରାଜ୍ୟ ସରକାରଙ୍କ ପକ୍ଷରୁ +୨ ପରୀକ୍ଷାକୁ ବାତିଲ ସମ୍ପର୍କରେ ଘୋଷଣା କରାଯାଇଥିବାବେଳେ  ଆଜି ଗଣଶିକ୍ଷା ମନ୍ତ୍ରୀ  ସୀମର ଦାଶ ପରୀକ୍ଷା ମୂଲ୍ୟାୟନ ନେଇ ନିଜର ପ୍ରତିକ୍ରିୟା ରଖିଛନ୍ତି ।

ସେ କହିଛନ୍ତି +୨ ପରୀକ୍ଷା ମୂଲ୍ୟାୟନ ନେଇ ଆସନ୍ତା ୧୫ ଦିନ ଭିତରେ ଏକ ବିଶେଷଜ୍ଞ କମିଟି ଗଠନ କରାଯିବ ।  ବିଶିଷ୍ଟ ଶିକ୍ଷାବିତ ଓ ସିଏଚଏସଇର କର୍ତ୍ତୃପକ୍ଷ ବିଶେଷଜ୍ଞ କମିଟିରେ ରହିବେ ।   ପରୀକ୍ଷା ମୂଲ୍ୟାନ ପାଇଁ ସମ୍ପୃକ୍ତ ଟିମ ସିବିଏସଇ ଓ ଆଇସିଏସଇର ମୂଲ୍ୟାୟନ ପଦ୍ଧତିକୁ ମଧ୍ୟ ଅନୁଧ୍ୟାନ କରିବେ ।  ବିଶେଷଜ୍ଞଙ୍କ ମତାମତ ଅନୁସାରେ ମୂଲ୍ୟାୟନ ନିଷ୍ପତ୍ତି ନିଆଯିବ ବୋଲି ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି ।

ପ୍ରକାଶ ଯେ, କରୋନା ସଂକ୍ରମଣକୁ ଦୃଷ୍ଟିରେ ରଖି ରାଜ୍ୟ ସରକାର ଶୁକ୍ରବାର +୨ ପରୀକ୍ଷାକୁ ବାତିଲ କରିଦେଇଥିଲେ ।   +୨ ପରୀକ୍ଷା ବାତିଲ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଥିଲେ ।   କରୋନା ପାଇଁ ପରୀକ୍ଷା ସମ୍ଭବ ହେଉନଥିବାରୁ  +୨ ପରୀକ୍ଷାକୁ ବାତିଲ କରାଯାଇଛି ।  ପରୀକ୍ଷା ଠାରୁ ଛାତ୍ରଛାତ୍ରୀଙ୍କ ଜୀବନ ସବୁଠାରୁ ଗୁରୁତ୍ୱପୂର୍ଣ୍ଣ ବୋଲି ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ ।   ଏଥିସହ ନିର୍ଦ୍ଧିଷ୍ଟ ସମୟ ମଧ୍ୟରେ ମୂଲ୍ୟାୟନ କରିବାକୁ ମୁଖ୍ୟମନ୍ତ୍ରୀ ନିଦେ୍ର୍ଧଶ ଦେଇଥିଲେ । ବିଶେଷଜ୍ଞଙ୍କ ପରାମର୍ଶର ସିଏଚଏସଇ ନିର୍ଦ୍ଧାରିତ ମାପଦଣ୍ଡରେ ମୂଲ୍ୟାୟନ କରିବାକୁ ମୁଖ୍ୟମନ୍ତ୍ରୀ ନିଦେ୍ର୍ଧଶ ଦେଇଥିଲେ ।   ତେବେ ମୂଲ୍ୟାୟନରେ ସନ୍ତୁଷ୍ଟ ନଥିବା ପିଲା ଚାହିଁଲେ ପରୀକ୍ଷା ଦେଇପାରିବେ ।  ପରିସ୍ଥିତି ସ୍ୱାଭାବିକ ହେଲେ ମୂଲ୍ୟାୟନରେ ଅସନ୍ତୁଷ୍ଟ ପିଲାମାନେ  ପରୀକ୍ଷା ଦେଇପାରିବେ ।  ପରିସ୍ଥିତି ସମୀକ୍ଷା କରି ପରୀକ୍ଷା କେବେ କରାଯିବ ସେନେଇ ସିଏଚଏସଇ ନିର୍ଣ୍ଣୟ କରିବ । 

Powered by Froala Editor