ଏସିଆନ ଗେମ୍ସ : ପ୍ରଥମ ଦିନରେ ଭାରତ ପାଇଲା ୩ ରୌପ୍ୟ ପଦକ
ଚୀନର ହାଙ୍ଗଝୁରେ ଚାଲିଥିବା ୨୦୨୩ ଏସିଆନ ଗେମ୍ସରେ ଭାରତ ପ୍ରଥମ ଦିନରେ ୫ଟି ପଦକ ହାସଲ କରିଛି । ଏୟାର ରାଇଫଲ ଓ ରୋଇଂରେ ଭାରତକୁ ୩ଟି ରୌପ୍ୟ ପଦକ ମିଳିଛି । ସେହିପରି ଏହି ଦୁଇ ଇଭେଣ୍ଟରେ ଦୁଇଟି ବ୍ରୋଞ୍ଜ ମଧ୍ୟ ମିଳିଛି । ଶୁଟିଂରେ ମହିଳା ଟିମ୍କୁ ମିଳିଛି ରୌପ୍ୟ ପଦକ। ୧୦ ମିଟର ଏୟାର ରାଇଫଲ ଟିମ୍ ଇଭେଣ୍ଟରେ ମେହୁଲି ଘୋଷ, ରମିତା ଓ ଆଶୀ ଚୌକ୍ସେ ଜିତିଛନ୍ତି ରୌପ୍ୟ ପଦକ।
ଶୁଟିଂରେ ରୌପ୍ୟ ଜିତିବା ପରେ ରୋଇଂ ବା ନୌଚାଳନାରେ ପୁରୁଷ ଲାଇଟ୍ୱେଟ ଡବଲ୍ ସ୍କଲସ୍ରେ ରୌପ୍ୟ ପଦକ ଜିତିଛନ୍ତି ଅରବିନ୍ଦ ସିଂହ ଓ ଅର୍ଜୁନ ଲାଲ୍ ଜାଟ୍। ମେନ୍ସ ପେୟାର ରୋଇଂରେ ବାବୁଲାଲ ଯାଦବ ଏବଂ ଲାଖ ରାମ ବ୍ରୋଞ୍ଜ ପଦକ ହାସଲ କରିଛନ୍ତି । ମେନ୍ସ ଏଇଟରେ ଭାରତ ରୌପ୍ୟ ପଦକ ହାସଲ କରିଛି । ଏହି ଟିମରେ ନିରଜ, ନରେଶ କଲଓ୍ବାନିଆ, ନେତୀଶ କୁମାର, ଚରଣଜିତ ସିଂ, ଜସବିନ୍ଦର ସିଂ, ଭୀମ ସିଂ, ପୁନିତ କୁମାର ଏବଂ ଆଶିଷ ସଦସ୍ୟ ଥିଲେ ।
ଶନିବାର ରଙ୍ଗାରଙ୍ଗ କାର୍ଯ୍ୟକ୍ରମ ଭିତରେ ଚଳିତ ଏସୀୟ କ୍ରୀଡ଼ାକୁ ଉଦ୍ଘାଟନ କରିଥିଲେ। ଅକ୍ଟୋବର ୮ ତାରିଖ ପର୍ଯ୍ୟନ୍ତ ଚାଲିବାକୁ ଥିବା ଏହି ପ୍ରତିଯୋଗିତାରେ ୪୫ଟି ଦେଶରୁ ପ୍ରାୟ ୧୨,୫୦୦ ଖେଳାଳି ଅଂଶଗ୍ରହଣ କରିଛନ୍ତି।
Powered by Froala Editor
