ଭୁବନେଶ୍ୱର : ଆଜି ପ୍ରଧାନମନ୍ତ୍ରୀ ମୋଦୀଙ୍କ ୭୩ତମ ଜନ୍ମଦିନ ଅବସରରେ ଶୁଭେଚ୍ଛା ଜଣାଇଇଲେ ରାଷ୍ଟ୍ରପତି ଦୌପଦୀ ମୁର୍ମୁ, ମନ୍ତ୍ରୀ ଓ ରାଜନେତାମାନେ ଶୁଭେଚ୍ଛା ଜଣାଇଛନ୍ତି।ଶୁଭେଚ୍ଛା ଜଣାଇ ରାଷ୍ଟ୍ରପତି ଦ୍ରୌପଦୀ ମୁର୍ମୁ କହିଛନ୍ତି,ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଜନ୍ମଦିନର ହାର୍ଦ୍ଦିକ ଅଭିନନ୍ଦନ ଓ ଶୁଭେଚ୍ଛା। ମୋର ଶୁଭେଚ୍ଛା ‌ଏହି ଯେ, ନିଜ ଦୂରଦୃଷ୍ଟି ତଥା ସୁଦୃଢ଼ ନେତୃତ୍ବଦ୍ବାରା ଆପଣ ‘ଅମୃତ କାଳ’ରେ ଭାରତର ସମଗ୍ର ବିକାଶର ପଥ ପ୍ରଶସ୍ତ କରନ୍ତୁ। ପ୍ରଧାନମନ୍ତ୍ରୀ ମୋଦୀଙ୍କୁ ନବ ଭାରତର ନିର୍ମାତା କହି ଗୃହମନ୍ତ୍ରୀ ଅମିତ ଶାହ କହିଛନ୍ତି, ଦେଶର ପ୍ରାଚୀନ ଐତିହ୍ୟ ଆଧାର ଉପରେ ସେ ମହାନ୍‌ ଓ ଆତ୍ମନିର୍ଭରଶୀଳ ଭାରତର ସୁଦୃଢ଼ ମୂଳଦୁଆ ପକାଇଛନ୍ତି। 

ଜନ୍ମଦିନ ଶୁଭେଚ୍ଛାରେ ‘ବିଜେପି’ ଅଧ୍ୟକ୍ଷ ଜଗତ୍‌ ପ୍ରକାଶ ନଡ୍ଡା କହିଛନ୍ତି, ଭାରତୀୟ ସଂସ୍କୃତିର ବୈଶ୍ବିକ ପ୍ରତିଷ୍ଠା, ଜନସାଧାରଣଙ୍କ ସାମଗ୍ରିକ ବିକାଶ ଓ ଦେଶର ସାର୍ବଭୌମିକ ଉତ୍କର୍ଷକୁ ଆପଣ ସାକାର ରୂପ ପ୍ରଦାନ କରିଛନ୍ତି।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ପ୍ରଧାନମନ୍ତ୍ରୀ ମୋଦୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇ କହିଛନ୍ତି, ମୋଦୀ ଖାଲି ଭାରତକୁ ନୂଆ ପରିଚୟ ଦେଇ ନାହାନ୍ତି, ବିଶ୍ବର ଭାରତର ମର୍ୟ୍ୟାଦା ବୃଦ୍ଧି କରିଛନ୍ତି। ପ୍ରଧାନମନ୍ତ୍ରୀ ଭାରତ ବିକାଶକୁ ନୂତନ ଶିଖରକୁ ନେଇଯାଇଛନ୍ତି। ମୁଁ ତାଙ୍କର ଉତ୍ତମ ସ୍ବାସ୍ଥ୍ୟ ଓ ଦୀର୍ଘ ଜୀବନ କାମନା କରୁଛି।

ସୂଚନାଯୋଗ୍ୟ, ଆଜି ନିଜ ଜନ୍ମଦିନ ଅବସରରେ ପ୍ରଧାନମନ୍ତ୍ରୀ ମୋଦୀ କେତେଗୁଡ଼ିଏ ବିକାଶମୂଳକ ଉପକ୍ରମର ଶୁଭାରମ୍ଭ କରିବେ। ଆଜି ‘ବିଶ୍ବକର୍ମ ଜୟନ୍ତୀ’ ପଡୁଥିବାରୁ ପ୍ରଧାନମନ୍ତ୍ରୀ ମୋଦୀ ସରକାରଙ୍କର ଆକାଙ୍‌କ୍ଷୀ ଯୋଜନା ‘ପି.ଏମ୍‌. ବିଶ୍ବକର୍ମା’ର ଶୁଭାରମ୍ଭ କରିବେ।

Powered by Froala Editor