ସାର ମୋକ୍ଷଗୁଣ୍ଡମ ବିଶ୍ୱେଶ୍ୱରାୟଙ୍କ ଜୟନ୍ତୀ ତଥା "ଜାତୀୟ ଇଞ୍ଜିନିୟର ଦିବସ ପାଳନ
![ସାର ମୋକ୍ଷଗୁଣ୍ଡମ ବିଶ୍ୱେଶ୍ୱରାୟଙ୍କ ଜୟନ୍ତୀ ତଥା](https://odishanewslens.com/news_gallery/24413_1694805927.jpg)
ମାଲକାନଗିରି, ୧୫।୯(ସପ୍ର): ମାଲକାନଗିରି ଜିଲ୍ଲା ସଦରରେ ଥିବା ସରକାରୀ ପଲିଟେକ୍ନିକ୍ ଠାରେ ଇଞ୍ଜିନିୟର ଓ ସରକାରୀ ଅଧିକାରୀଙ୍କ ଉପସ୍ଥିତିରେ "ଜାତୀୟ ଇଞ୍ଜିନିୟର ଦିବସ-୨୦୨୩" ପାଳନ କରାଯାଇଥିଲା । ଇଞ୍ଜିନିୟର୍ସ ଡେ'ର ଥିମ୍ ଥିଲା 'ଇଞ୍ଜିନିୟରିଂ ଫର୍ ଏ ସଷ୍ଟେନେବଲ୍ ଫ୍ୟୁଚର'। ଭାରତର ଭିତ୍ତିଭୂମି ବିକାଶ ପାଇଁ ସମର୍ପିତ ବ୍ୟକ୍ତିତ୍ୱଙ୍କ ପାଇଁ ଏହି ମହାନ ଦିବସ ପାଳନ କରିବା ପାଇଁ ଜିଲ୍ଲାର ବିଭିନ୍ନ କୋଣ ଅନୁକୋଣରୁ ପ୍ରତିନିଧିମାନେ ଅଂଶଗ୍ରହଣ କରିଥିଲେ। ଏହି ଅବସରରେ ଓଏଚପିସି ବାଲିମେଳାର ଏଜିଏମ୍ ଭିକାରୀ ଚରଣ ମଲ୍ଲିକ, ଜିଲ୍ଲା ବାଣିଜ୍ୟ ଅଧ୍ୟାପକ ଡ଼ଃ ରଞ୍ଜନ କୁମାର ସ୍ୱାଇଁ, ଚମ୍ବର ଅଫ କମର୍ଶ ସଭାପତି ଅଶୋକ ପଟ୍ଟନାୟକ, ଓଏଚପିସି ବାଲିମେଳାର ସହାୟକ ଇଞ୍ଜିନିୟର ସନ୍ଦୀପ ନାୟକ, ସହାୟିକା ନିର୍ବାହୀ ଯନ୍ତ୍ରୀ ଜ୍ୟୋତିରାଣୀ ଭୋମିକ, ଜିଲ୍ଲା ଦକ୍ଷତା ଅଧିକାରୀ ମନସ୍ୱି ସେଠୀ, ଜିଲ୍ଲା ମଙ୍ଗଳ ଅଧିକାରୀ ପ୍ରଫୁଲ୍ଲ କୁମାର ଭୁଜବଳ, ଶିଳ୍ପ ପ୍ରୋତ୍ସାହନ ଅଧିକାରୀ ରବିନ୍ଦ୍ରନାଥ କୁଣ୍ଡୁ, ଜୁନିୟର ଇଞ୍ଜିନିୟର,ଆର୍ ଆଣ୍ଡ ବି ରାଜଶ୍ରୀ ପଟ୍ଟନାୟକ, ଜୁନିୟର ଇଞ୍ଜିନିୟର, ଆର୍ ଆଣ୍ଡ ବି ଡିଭିଜନର ସାନ୍ତନୁ ବେହେରା, ଏସଡିଓ ସଙ୍ଗ୍ରାମ ମାରାଣ୍ଡି, ଏସଡିଓ ସୁଶାନ୍ତ କୁମାର ଜେନା, ଇଏମ୍ଆରସ୍ ର ପ୍ରିନ୍ସିପାଲ୍ ବିଭୂତି ପ୍ରସାଦ ପଣ୍ଡା ପ୍ରମୁଖ ଅତିଥି ଭାବେ ଉପସ୍ଥିତ ଥିଲେ । ମୁଖ୍ୟବକ୍ତା ଶ୍ରୀ ମଲ୍ଲିକ ବିଶ୍ୱେଶ୍ୱରଙ୍କ ଜୀବନୀ ବର୍ଣ୍ଣନା କରିଥିଲେ। ସେ କହିଥିଲେ ଯେ ବିଶ୍ୱେଶ୍ୱରାୟ ଭାରତର ପ୍ରଥମ ଇଞ୍ଜିନିୟର ଥିଲେ ଏବଂ ରାଷ୍ଟ୍ର ନିର୍ମାଣରେ ତାଙ୍କର ଯୋଗଦାନ ଉଲ୍ଲେଖନୀୟ। ସମ୍ମାନିତ ଅତିଥି ତଥା ସିଭିଲ ଇଞ୍ଜିନିୟର ଶ୍ରୀ ପଟ୍ଟନାୟକ ସିଭିଲ ଇଞ୍ଜିନିୟର ମାନଙ୍କ ଦ୍ୱାରା ନିର୍ମାଣ କାର୍ଯ୍ୟ କିଭଳି ଗୁଣାତ୍ମକ ଭାବେ ବଜାୟ ରହିପାରିବ ସେ ସମ୍ପର୍କରେ ମତବ୍ୟକ୍ତ କରିଥିଲେ। ମୁଖ୍ୟ ଅତିଥି ଡକ୍ଟର ସ୍ୱାଇଁ ଛାତ୍ରଛାତ୍ରୀଙ୍କୁ ଭଲ ଇଞ୍ଜିନିୟର ହେବାକୁ ପରାମର୍ଶ ଦେଇଥିଲେ। ଭାରତର ମୋଟ ଘରୋଇ ଉତ୍ପାଦ ଭାରତର ଉନ୍ନତମାନର ଇଞ୍ଜିନିୟର ମାନଙ୍କ ଉପରେ ନିର୍ଭର କରେ ବୋଲି ମଧ୍ୟ ସେ ମତ ରଖିଥିଲେ । ଏହି କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ ଛାତ୍ରଛାତ୍ରୀ, ଅଧ୍ୟାପକ, ଅଧ୍ୟାପିକା ଓ କର୍ମଚାରୀ ଉପସ୍ଥିତ ଥିଲେ। ପ୍ରୀତିରଞ୍ଜନ ପ୍ରିୟଦର୍ଶୀ ପାତ୍ର ଓ ସୌରଭ ରଞ୍ଜନ ପ୍ରଧାନ ଏହି କାର୍ଯ୍ୟକ୍ରମର ଆୟୋଜନ କରିଥିଲେ। କାର୍ଯ୍ୟକ୍ରମ ଶେଷରେ ଅନୁଷ୍ଠାନର ଅଧ୍ୟକ୍ଷ ଜ୍ଞାନରଞ୍ଜନ ଦାସ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ |
Powered by Froala Editor