ଡେଙ୍ଗୁ ସ୍ଥିତି ଭୟଙ୍କର: ଅଗଷ୍ଟ ମାସ ୮୪୦ ପହଞ୍ଚିଲାଣି ଆକ୍ରାନ୍ତଙ୍କ ସଂଖ୍ୟା
ଭୁବନେଶ୍ୱର: ଭୁବନେଶ୍ୱରରେ ଡେଙ୍ଗୁ ସ୍ଥିତି ଭୟଙ୍କର । ଘରେ ଘରେ ରୋଗୀ । ଜୁନ୍ ମାସରେ ୧୦୩ ରୋଗୀ ଚିହ୍ନଟ ହୋଇଥିଲେ । ଜୁଲାଇରେ ସଂଖ୍ୟା ବଢି ୫୪୦ରେ ପହଞ୍ଚିଲା । ଅଗଷ୍ଟ ମାସ ୨୦ ତାରିଖ ଡେଇଁନି, ଆକ୍ରାନ୍ତଙ୍କ ସଂଖ୍ୟା ୮୪୦ ପହଞ୍ଚିଲାଣି । ନୂଆପଲ୍ଲୀ, ଆଚାର୍ୟ୍ୟ ବିହାରରେ ଡେଙ୍ଗୁ ରୋଗୀ ସଂଖ୍ୟା ଶତକ ଛୁଇଁଛି । ସତ୍ୟନଗର ଓ ସହିଦନଗରରେ ଅର୍ଦ୍ଧ ଶତକ ।
ଆଇଆରସି ଭିଲେଜ, ସିଆରପିଏଫ, ଚନ୍ଦ୍ରଶେଖରପୁର ଅଂଚଳରେ ଅବସ୍ଥା ମଧ୍ୟ ଶୋଚନୀୟ । ପ୍ରତି ପରିବାରରେ ୨ରୁô ୩ ଜଣ ଡେଙ୍ଗୁରେ ଆକ୍ରାନ୍ତ ଅଛନ୍ତି । କ୍ୟାପିଟାଲ ହସ୍ପିଟାଲ, ଏମ୍ସରେ ଲମ୍ବା ଲାଇନ୍ ଲାଗିଛି । ରାଜ୍ୟର ସିଂହ ଭାଗ ଡେଙ୍ଗୁ ଆକ୍ରାନ୍ତ ରାଜଧାନୀର । ବିଏମ୍ସି ଅଞ୍ଚଳରୁ ସଂଗୃହୀତ ହୋଇଥିବା ୧୧ ହଜାର ୨୬୯ ଜଣଙ୍କ ରକ୍ତ ନମୂନା ମଧ୍ୟରୁ ୧୩୪୮ ଜଣ ପଜିଟିଭ ଚିହ୍ନଟ ହୋଇଛନ୍ତି । ଡେଙ୍ଗୁ ପିଜିଟିଭ୍ ହାର ରହିଛି ୧୧.୩୮ ପ୍ରତିଶତ ରହିଛି । ସ୍ୱାସ୍ଥ୍ୟ ବିଶେଷଜ୍ଞଙ୍କ କହିବା ମୁତାବକ ଡେଙ୍ଗୁ ରୋଗୀ ସଂଖ୍ୟା ଯେଉଁ ହାରରେ ବଢୁଛି, ସେପ୍ଟମ୍ବର ସୁଦ୍ଧା ଏହା ୫ ହଜାର ପାର କରିବ । ତେଣୁ ଏବେ ଠୁ ପ୍ରଶାସନ ସଜାଗ ରହିବା କଥା । ନ ହଲେ ସ୍ଥିତି ବେକାବୁ ହେବ । ଅକ୍ଟୋବର ମାସରେ ସଂକ୍ରମଣ ଶିଖର ଛୁଇଁବ ।
Powered by Froala Editor
