ମଧ୍ୟପ୍ରଦେଶରେ ଦୁଇଟି ସଡ଼କ ଦୁର୍ଘଟଣା ଗୋଟିଏ ପରିବାରର ହସଖୁସି ଛଡ଼ାଇ ନେଇଛିି । ପ୍ରଥମେ ମା’ ସଡ଼କ ଦୁର୍ଘଟଣାରେ ପ୍ରାଣ ହରାଇଥିଲେ। ଏହି ଖବର ପାଇ ପୁଅ ତାଙ୍କ ଶବ ସତ୍କାର କରିବାକୁ ତରବରିଆ ଭାବେ ଆସୁଥିଲ। ହେଲେ ଅଧା ବାଟରେ ପୁଅ ମଧ୍ୟ ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି।

୫୫ ବର୍ଷୀୟ ରାଣୀ ଦେବୀଙ୍କ ସ୍ୱାମୀ ପ୍ରାୟ ବର୍ଷକ ତଳେ ପ୍ରାଣ ହରାଇଥିଲେ। ତାଙ୍କର ୩ ପୁଅ ଓ ୩ ଝିଅ ଥିଲେ। ରାଣୀ ଦେବୀ ସବୁଠାରୁ ବଡ଼ ଓ ସବୁଠାର ସାନ ପୁଅଙ୍କ ସହ ଗାଁରେ ରହୁଥିଲେ। ମଝିଆ ପୁଅ ସରୋଜ ଇନ୍ଦୋରରେ ରୁହନ୍ତି। ବୁଧବାର ରାଣୀ ଦେବୀ ସାନ ପୁଅ ସନ୍ନି ସହ ବାଇକରେ ତାଙ୍କ ବାପା ଘରକୁ ବୁଲିବାକୁ ଯାଉଥିଲେ। ତେବେ ଗାଁ ଠାରୁ ୧୨ କିମି ଦୂର ଡାଭାଉରା ସନ୍ନି ଚଳାଉଥିବା ଗାଡ଼ିକୁ ଆଉ ଗୋଟିଏ ବାଇକ୍‌ ଧକ୍କା ଦେଇଥିଲା। ଗୁରୁତର ଅବସ୍ଥାରେ ଉଭୟଙ୍କୁ ପ୍ରଥମେ ସ୍ଥାନୀୟ ଓ ପରେ ରେୱା ହସ୍ପିଟାଲକୁ ପଠା ଯାଇଥିଲା। କିନ୍ତୁ ଅଧା ବାଟରେ ହିଁ ରାଣୀ ଦେବୀଙ୍କ ମୃତ୍ୟୁ ହୋଇ ଯାଇଥିଲା। 

ରାଣୀ ଦେବୀଙ୍କ ମୃତ୍ୟୁ ଖବର ଇନ୍ଦୋରରେ ରହୁଥିବା ୨୨ ବର୍ଷୀୟ ପୁଅ ସରୋଜ ନିଜ ଗାଁକୁ ବାହାରିଥିଲେ। କାର୍‌ରେ ଜଣେ ଡ୍ରାଇଭରଙ୍କୁ ଧରି ସରୋଜ ଗାଁକୁ ଆସୁଥିଲେ। କିନ୍ତୁ ଗାଁ ଠାରୁ ୧୦୦ କିମି ଦୂରରେ କାର୍‌ର ଛକା ଫାଟି ଯାଇଥିଲା। ଫଳରେ ରାସ୍ତା କଡ଼ରେ ଛିଡ଼ା ହୋଇଥିବା ଟ୍ରକ୍‌ରେ ପିଟି ହୋଇଯାଇଥିଲା। କାର୍‌ରେ ଥିବା ସରୋଜ, ବନ୍ଧୁ ଅଭିଷେକ ଓ ଡ୍ରାଇଭରଙ୍କୁ ତୁରନ୍ତ ରେୱା ହସ୍ପିଟାଲକୁ ନିଆଯାଇଥିଲା। କିନ୍ତୁ ସେଠାରେ ଡାକ୍ତର ସରୋଜଙ୍କୁ ମୃତ ଘୋଷଣା କରିଥିଲେ। ଏବେ ଅଭିଷେକ ଓ କାର ଚାଳକ ସେଠାରେ ଚିକିତ୍ସିତ ହେଉଛନ୍ତି। ଏହି ଘଟଣା ପୂରା ଗାଁ ଓ ଅଞ୍ଚଳରେ ଶୋକର ଚ୍ଛାୟା ଖେଳାଇ ଦେଇଛି।

Powered by Froala Editor