ରାଜସ୍ଥାନ ଜୟପୁରରୁ ଏକ ଅଜବ ଘଟଣା ସାମ୍‌ନାକୁ ଆସିଛି । ଏକ ଦମ୍ପତ୍ତି ହନିମୁନ କରିବାକୁ ଆସିଥିବାବେଳେ ପତ୍ନୀ ପ୍ରେମିକ ସହ ଫେରାର ହୋଇଯାଇଛି । ସୂଚନା ମୁତାବକ ଭୋପାଳର ଜଣେ ୨୪ ବର୍ଷୀୟ ଯୁବକ ଜୁଲାଇ ୨୯ରେ ସେ ଭୋପାଳର ୨୨ ବର୍ଷୀୟ ଜଣେ ଯୁବତୀଙ୍କୁ ବିବାହ କରିଥିଲେ । ବିବାହ ପରେ ଅଗଷ୍ଟ ୫ରେ ଉଭୟ ହନିମୁନ୍‌ ପାଇଁ ଜୟପୁର ଆସିଥିଲେ। ଉଭୟ ଜୟପୁରର ଝୋଟବାଡ଼ାରେ ଏକ ହୋଟେଲରେ ରହିଥିଲେ।  ମଧ୍ୟାହ୍ନ ପ୍ରାୟ ୧୨ଟା ସମୟରେ ଦୁହେଁ ଆମେର୍ ଦୁର୍ଗ ବୁଲିବାକୁ ବାହାରିଥିଲେ। ପ୍ରାୟ ୩ ଘଣ୍ଟା ବୁଲିବା ପରେ, ଉଭୟ ହୋଟେଲକୁ ଫେରିଗଲେ । ଉଭୟ ଖାଟୁଶ୍ୟାମ ଜୀଙ୍କ ଦର୍ଶନ କରିବାକୁ ନିଷ୍ପତ୍ତି ନେଇଥିଲେ । ପତ୍ନୀଙ୍କୁ କୋଠରୀରେ ଛାଡି ଯୁବକ ଜଣକ ଟ୍ୟାକ୍ସି ଡ୍ରାଇଭରଙ୍କ ସହ ଭଡା ବିଷୟରେ କଥାବାର୍ତ୍ତା କରିବାକୁ ଯାଇଥିଲେ। ପ୍ରାୟ ୧୫ ମିନିଟ୍ ପରେ ରୁମକୁ ଫେରିବା ପରେ ପତ୍ନୀ ନିଖୋଜ ଥିବା ଦେଖିବାକୁ ପାଇଥିଲେ। ଏନେଇ ପୁଲିସ ନିକଟରେ ଅଭିଯୋଗ ହେବା ପରେ ଏବେ ତଦନ୍ତ ଚାଲିଛି ।

ଅନ୍ୟପକ୍ଷରେ ପୁଲିସ କହିଛି ଯେ ଯୁବତୀଙ୍କର ଜଣେ ପୁରୁଷ ବନ୍ଧୁ ଯାହାଙ୍କର ଘର ଭିଲୱାରା, ସେ ମଧ୍ୟ ନିଖୋଜ ଅଛନ୍ତି। ତେବେ ଶୁଣିବାକୁ ମିଳିଛି ବିବାହକୁ ନେଇ ଯୁବତୀ ଜଣକ ଖୁସି ନଥିଲେ । ପୁରୁଷ ବନ୍ଧୁଙ୍କ ସହ ସେ ଫେରାର ହୋଇଯାଇଛନ୍ତି ବୋଲି ଅନୁମାନ କରାଯାଉଛି । 

Powered by Froala Editor