କନେଷ୍ଟବଳ ଚେତନ କିଛି ଶୁଣିବା ଅବସ୍ଥାରେ ନଥିଲେ, ଆଖିବୁଜା ଗୁଳି ଚଳାଇଲେ
![କନେଷ୍ଟବଳ ଚେତନ କିଛି ଶୁଣିବା ଅବସ୍ଥାରେ ନଥିଲେ, ଆଖିବୁଜା ଗୁଳି ଚଳାଇଲେ](https://odishanewslens.com/news_gallery/23252_1690917459.jpg)
ମହାରାଷ୍ଟ୍ରର ପାଲଘର ରେଳ ଷ୍ଟେସନ ନିକଟରେ ଜୟପୁର-ମୁମ୍ବାଇ ସେଣ୍ଟ୍ରାଲ ସୁପରଫାଷ୍ଟ ଏକ୍ସପ୍ରେସ୍ (୧୨୯୫୬)ରେ ଆରପିଏଫ କନେଷ୍ଟବଳ ଗୁଳି କରିଥିଲେ। ନିଜର ସିନିୟର ଓ ୩ ଜଣ ନିର୍ଦ୍ଦିଷ୍ଟ ସଂପ୍ରଦାୟର ଲୋକଙ୍କୁ ଗୁଳି କରି ନିର୍ମମ ଭାବେ ହତ୍ୟା କରିଥିବା ଆରପିଏଫ କନେଷ୍ଟବଳ ଚେତନ ସିଂହ । ଏହି ଘଟଣାରେ ସମ୍ପୃକ୍ତ ଥିବା ଅଭିଯୁକ୍ତ କନେଷ୍ଟବଳଙ୍କୁ ଗିରଫ କରାଯାଇ ତାଙ୍କ ବିରୋଧରେ ଆଇପିସିର ଧାରା ୩୦୨ ଅଧୀନରେ ମାମଲା ରୁଜୁ କରାଯାଇଛି।
ଘଟଣା ଦିନ ଉକ୍ତ ଟ୍ରେନରେ ତାଙ୍କ ସହ ଥିବା ଆରପିଏଫର ଆଉ ଜଣେ କନଷ୍ଟେବଲ ଘନଶ୍ୟାମ ଆଚାର୍ଯ୍ୟ ଛାତି ଥରାଇ ଦେବା ଭଳି ତଥ୍ୟ ଦେଇଛନ୍ତି। ସେଦିନ କ’ଣ ସବୁ ଘଟିଥିଲା ଓ ଚେତନଙ୍କୁ ଦେଖି ଘନଶ୍ୟାମ କେମିତି ବାଥରୁମରେ ଲୁଚି ଯାଇଥିଲେ କହିଛନ୍ତି।
ଘନଶ୍ୟାମଙ୍କ କଥା ଅନୁସାରେ, ୩୩ ବର୍ଷୀୟ ଚେତନ ସିଂହ ଟ୍ରେନରେ ଡ୍ୟୁଟି କରୁଥିବା ବେଳେ ଅସୁସ୍ଥ ଅନୁଭବ କରିଥିଲେ। ସେ ଗୁଜରାଟର ବାଲସାଦରେ ଓହ୍ଲାଇ ଯିବାକୁ ମଧ୍ୟ ଚାହୁଁଥିଲେ। କିନ୍ତୁ ତାଙ୍କୁ ଟ୍ରେନ ଭିତରେ ଥିବା ଗୋଟିଏ ଖାଲି ବର୍ଥକୁ ବିଶ୍ରାମ ନେବାକୁ ଛଡ଼ା ଯାଇଥିଲା। ଏହି ସମୟରେ ଏଏସଆଇ ଟିକାରାମ ମିନା କହିଥିଲେ ଆଉ ଦୁଇତିନି ଘଣ୍ଟାର ଡିୟୁଟି ରହିଛି। ଟ୍ରେନରେ ମୁମ୍ବାଇ ପର୍ଯ୍ୟନ୍ତ ପହଞ୍ଚିବା ପର୍ଯ୍ୟନ୍ତ ବିଶ୍ରାମ କରିଦିଅ। କିନ୍ତୁ ଚେତନ କିଛି ଶୁଣିବା ଅବସ୍ଥାରେ ନଥିଲେ। କିଛି ସମୟ ବିଶ୍ରାମ କରି ସେ ରାଇଫଲ ଉଠାଇ ଆଖି ବୁଜା ଗୁଳି କରିଥିଲେ।
ଟ୍ରେନ୍ର ବି୫ ବଗିରେ ସେ ପ୍ରଥମେ ପାଣ୍ଟ୍ରି ଇନଚାର୍ଜ ଟିକାରାମ ମୀନାଙ୍କୁ ତାଙ୍କ ଏଆରଏମ୍ ରାଇଫଲ୍ରୁ ଗୁଳି କରିବାପରେ ଏସ୍୬ ବଗିରେ ୩ ଜଣ ଯାତ୍ରୀଙ୍କୁ ଗୁଳି କରି ମାରିଦେଇଥିଲେ। ସେ ମୋଟ୍ ୧୨ ରାଉଣ୍ଡ୍ ଗୁଳି ଚଳାଇଥିଲେ। ପ୍ରାୟ ୧୦ ମିନିଟ ପରେ କେହି ଚେନ୍ ପୁଲ କରିଥିଲେ ଓ ମୀରା ରୋଡ ଓ ଦାହସର ଷ୍ଟେସନ ମଧ୍ୟରେ ଗାଡ଼ି ଅଟକି ଥିଲା। ଟ୍ରେନ ଅଟକିବା ପରେ ଚେତନ ନିଜର ରାଇଫଲ ଧରି ଟ୍ରାକରେ ଦୌଡ଼ୁଥିଲେ।
Powered by Froala Editor