ଆଉ ପାଦେ ଆଗକୁ ବଢ଼ିଛି, ଚନ୍ଦ୍ରର କକ୍ଷପଥ ଅଭିମୁଖେ ଚନ୍ଦ୍ରଯାନ-୩
ବେଙ୍ଗାଲୁରୁ: ଚନ୍ଦ୍ରଯାନ-୩ ସଫଳତାର ସହ ଆଉ ପାଦେ ଆଗକୁ ବଢ଼ିଛି । ସୋମବାର ମଧ୍ୟରାତ୍ରୀରେ ପୃଥିବୀର କକ୍ଷପଥ ଛାଡି ଚନ୍ଦ୍ରର କକ୍ଷପଥ ଅଭିମୁଖେ ଯାତ୍ରା ଆରମ୍ଭ କରିଛି ଚନ୍ଦ୍ରଯାତ୍ରା-୩ । ଇସ୍ରୋ ବୈଜ୍ଞାନିକମାନେ ସ୍ଲିଂସଟ୍ ମାଧ୍ୟମରେ ଏହାକୁ ଚନ୍ଦ୍ର କକ୍ଷପଥ ଆଡେ ମୁହାଁଇ ଦେଇଛନ୍ତି । ରାତି ୧୨ଟା ୧୫ମିନିଟରେ ସ୍ଲିଂସଟ୍ କରାଯାଇଥିଲା । ଏହା ସଫଳ ହୋଇଥିବା ନେଇ ୧୨ଟା ୪୦ରେ ସୂଚନା ଦେଇଥିଲା ଇସ୍ରୋ । ଯାହାକୁ ଟ୍ରାନସଲୁନାର୍ ଇଞ୍ଜେକସନ୍ ପ୍ରକ୍ରିୟା କୁହାଯାଉଛି ।
ପୃଥିବୀଠାରୁ ଚନ୍ଦ୍ରଯାନ ୨୩୬ କିଲୋମିଟର ଦୂରରେ ଥିବା ଏହି ପ୍ରକ୍ରିୟା ମାଧ୍ୟମରେ ଚନ୍ଦ୍ରକକ୍ଷକୁ ମୁହାଁଇ ଦିଆଯାଇଥିଲା । ଚନ୍ଦ୍ରଯାନର ଗତି ପୃଥିବୀର ଏସକେପ୍ ଭେଲୋସିଟିଠାରୁ ଘଣ୍ଟାପ୍ରତି ୪୦ହଜାର ୨୭୦ କିଲୋମିଟରୁ ଅଧିକ ରହିଥିଲା । ଏହା ଏବେ ୫ଦିନ ଯାତ୍ରା କରିବା ପରେ ଅଗଷ୍ଟ ୫ତାରିଖରେ ଚନ୍ଦ୍ର କକ୍ଷପଥରେ ପହଞ୍ଚିବ । ଅଗଷ୍ଟ ୧୬ ତାରିଖ ପର୍ୟ୍ୟନ୍ତ ଏହା ଚନ୍ଦ୍ର କକ୍ଷପଥରେ ଘୂର୍ଣ୍ଣନ କରିବା ପରେ ଅଗଷ୍ଟ ୧୭ରେ ଚନ୍ଦ୍ର ଠାରୁ ୧୦୦କିଲୋମିଟର ଦୂରରେ ଥିବା ସମୟରେ ପ୍ରୋପଲସନ୍ ମଡ୍ୟୁଲ୍ ଠାରୁ ଅଲଗା ହେବ ଲ୍ୟାଣ୍ଡର। ଅଗଷ୍ଟ ୨୩ରେ ଚନ୍ଦ୍ରର ଦକ୍ଷିଣ ମେରୁରେ ଚନ୍ଦ୍ରଯାନ-୩ ଲ୍ୟାଣ୍ଡର ଓହ୍ଲାଇବ ।
Powered by Froala Editor
