କର୍ଣ୍ଣାଟକା ମୁଖ୍ୟମନ୍ତ୍ରୀଙ୍କ ପ୍ରତି ଅଶୋଭନୀୟ ମନ୍ତବ୍ୟ ଦେଇ ନେତ୍ରୀ ଗିରଫ
![କର୍ଣ୍ଣାଟକା ମୁଖ୍ୟମନ୍ତ୍ରୀଙ୍କ ପ୍ରତି ଅଶୋଭନୀୟ ମନ୍ତବ୍ୟ ଦେଇ ନେତ୍ରୀ ଗିରଫ](https://odishanewslens.com/news_gallery/23169_1690570608.jpg)
କର୍ଣ୍ଣାଟକା ମୁଖ୍ୟମନ୍ତ୍ରୀ ସିଦ୍ଦରମୈୟାଙ୍କ ପ୍ରତି ଆପତ୍ତିଜନ ଶବ୍ଦ ବ୍ୟବହାର କରିବା ଜଣେ ବିଜେପି ନେତ୍ରୀ ଗିରଫ ହୋଇଛନ୍ତି । ଅଭିଯୁକ୍ତ ବିଜେପି ନେତ୍ରୀ ଜଣଙ୍କ ହେଲେ ଶକୁନ୍ତଳା। ସେ କର୍ଣ୍ଣାଟକା କଂଗ୍ରେସର ଜଣେ ନେତେ ଟ୍ୱିଟକୁ ଶେୟାର କରିଥିଲେ। ଏଥିରେ ଉଡୁପି ଘଟଣାକୁ ବିଜେପି ରାଜନୀତିକ ଅସ୍ତ୍ର ଭାବେ ବ୍ୟବହାର କରୁଥିବା ସେ କହିଥିଲେ। ସୋଶାଲ ମିଡିଆରେ ଏହି ପୋଷ୍ଟ ପାଇଁ ତାଙ୍କୁ ପୁଲିସ୍ ବେଙ୍ଗାଲୁରୁରୁ ଗିରଫ କରିଛି।
କର୍ଣ୍ଣାଟକାର ଉଡୁପିରେ ଥିବା ଗୋଟିଏ ଘରୋଇ ପ୍ରଫେସନାଲ ଟ୍ରେନିଂ କଲେଜରେ ୩ ଜଣ ଶିକ୍ଷାର୍ଥୀ ମହିଳା ଟଏଲେଟ ଭିତର ଦୃଶ୍ୟ ରେକର୍ଡିଂ କରିଥିବା ଅଭିଯୋଗ ହୋଇଛି। ଜଣେ ଛାତ୍ରୀ ଗତ ସପ୍ତାହରେ ଟଏଲେଟ ଭିତରେ ଗୁପ୍ତ ଭାବେ ରହିଥିବା ମୋବାଇଲ ଫୋନକୁ ଦେଖିବା ସହ ଏହାକୁ କଲେଜ ପ୍ରଶାସନକୁ ଜଣାଇଥିଲେ। ତଦନ୍ତରୁ ଜଣାପଡ଼ିଛି ଯେ ମୋବାଇଲରେ କୌଣସି ପ୍ରକାରର ଆପତ୍ତିଜନକ ଦୃଶ୍ୟ ନାହିଁ। କିନ୍ତୁ କଲେଜ ପ୍ରଶାସନ ପୁଲିସ୍ରେ ଅଭିଯୋଗ କରିବା ସହ ୩ ଜଣ ଅଭିଯୁକ୍ତଙ୍କୁ ରବିବାର ଠାରୁ ନିଲମ୍ବିତ କରିଛନ୍ତି।
ଘଟଣାକୁ ନେଇ ରାଜନୀତିକ ବୟାନବାଜୀ ଆରମ୍ଭ ହୋଇଥିବା ବେଳେ ବିଜେପି ନେତ୍ରୀ କଂଗ୍ରେସକୁ ତୀବ୍ର ସମାଲୋଚନା କରିଛନ୍ତି ।
Powered by Froala Editor