ସୀମା ହାଇଦର ଭଳି ଘଟଣା ଏବେ ଭାରତର ଅଞ୍ଜୁଙ୍କ କ୍ଷେତ୍ରରେ ଦେଖିବାକୁ ମିଳିଛି। ଫେସ୍‌ବୁକ୍‌ ବନ୍ଧୁଙ୍କ ପ୍ରେମରେ ପଡ଼ି ରାଜସ୍ଥାନର ଭିୱାଡ଼ି ଜିଲ୍ଲାରେ ରହୁଥିବା ଅଞ୍ଜୁ ପାକିସ୍ତାନରେ ପଳାଇଛନ୍ତି ।

ଅଞ୍ଜୁ ଉତ୍ତରପ୍ରଦେଶର ବଲିୟା ଜିଲ୍ଲାର ଖରପୁରା ଗାଁ ବାସିନ୍ଦା। ୨୦୦୫ ମସିହାରୁ ଏକ କମ୍ପାନୀରରେ ଚାକିରି କରୁଥିବା ଅଞ୍ଜୁ ୨୦୦୭ ମସିହାରେ ଅରବିନ୍ଦ ନାମକ ଯୁବକଙ୍କୁ ବିବାହ କରିଥିଲ। ଉଭୟଙ୍କ ବିବାହକୁ ଇତି ମଧ୍ୟରେ ୧୬ ବର୍ଷ ଅତିକ୍ରମ କରି ସାରିଲାଣି। ତାଙ୍କର ଏକ ୧୫ ବର୍ଷୀୟା ଝିଅ ଓ ୫ ବର୍ଷୀୟ ପୁଅ ଥିବା ଜଣାଯାଇଛି। କିନ୍ତୁ ଫେସବୁକ୍‌ରୁ ନସରୁଲ୍ଲା ନାମକ ପାକିସ୍ତାନ ଯୁବକଙ୍କ ପ୍ରେମରେ ପାଗଳ ହୋଇ ଯାଇଥିବା ଅଞ୍ଜୁ ନିଜ ସ୍ୱାମୀ ଓ ପିଲାଙ୍କୁ ଛାଡ଼ି ପାକିସ୍ତାନ ପଳାଇଛନ୍ତି ।

ଅଞ୍ଜୁଙ୍କ ସ୍ୱାମୀଙ୍କ କହିବାନୁଯାୟୀ, କିଛି ଦିନ ପାଇଁ ଜୟପୁର ଯିବ ବୋଲି ଅଞ୍ଜୁ କହିଥିଲା। ଗତ ରବିବାର ନିଜ ଭଉଣୀକୁ ଫୋନ କରି ପାକିସ୍ତାନର ଲାହୋର ଯାଇଥିବା ଓ ୩ ଦିନରେ ଫେରି ଆସିବ ବୋଲି ବି କହିଥିଲା। କିନ୍ତୁ ସେ ନିଜ ପ୍ରେମିକ ନିକଟକୁ ଯାଇଥିବା ଏବେ ମିଡିଆରୁ ଜାଣିବାକୁ ପାଉଛୁ।

ଅରବିନ୍ଦ କହିଛନ୍ତି, ଅଞ୍ଜୁ ମୋତେ ମିଛ କହିଛନ୍ତି। କେମିତି ସେ ପାକିସ୍ତାନ ଗଲେ, କେବେ ଭିସା ପ୍ରାପ୍ତ କଲେ ମୁଁ କିଛି ବି ଜାଣି ପାରିଲି ନାହିଁ। କ‌ାରଣ ମୁଁ ମୋ ସ୍ତ୍ରୀର ଫୋନ କେବେ ଦେଖେ ନାହିଁ। ଏବେ ମୋ ପିଲା ସ୍ଥିର କରି‌ବେ କି ଅଞ୍ଜୁ ଫେରିଲେ ଆଉ ଆମ ସହିତ ରହିବେ କି ନାହିଁ।’

Powered by Froala Editor