ସ୍ବାମୀ ବିବେକାନନ୍ଦଙ୍କ ଉପରେ ବିବାଦୀୟ ମନ୍ତବ୍ୟ ଦେଇ ଥିବାରୁ ଇସ୍କନ୍ ସାଧୁ ଆମୋଘ ଲୀଳା ଦାସ କ୍ଷମାପ୍ରାର୍ଥନା କରିଛନ୍ତି। ରିପବ୍ଲିକ୍ ମିଡିଆ ସହ ଆଲୋଚନା ବେଳେ ସେ କ୍ଷମା ପ୍ରାର୍ଥନା କରିଥିବା ସାମ୍ନାକୁ ଆସିଛି। ତାଙ୍କର ବକ୍ତବ୍ୟ ଯୋଗୁଁ ବହୁ ଲୋକଙ୍କୁ ଆଘାତ ଲାଗିଥିବାରୁ ସେ ଅନୁତପ୍ତ ବୋଲି ପ୍ରକାଶ କରିଛନ୍ତି । 

ବିବେକାନନ୍ଦଙ୍କ ଖାଦ୍ୟପେୟ ଏବଂ ରାମକୃଷ୍ଣ ପରମହଂସଙ୍କ “ଯେତେ ମତ, ସେତେ ପଥ ଉପରେ ଅମୋଘ ଲୀଳା ଦାସଙ୍କ ଆଲୋଚନା କେନ୍ଦ୍ରିତ ଥିଲା। ମାଛ ଖାଉ ଥିବାରୁ ସେ ସ୍ୱାମୀ ବିବେକାନନ୍ଦଙ୍କୁ ସମାଲୋଚନା କରି କହିଥିଲେ ଯେ ଖାଦ୍ୟ ଲୋଭରେ ଜଣେ ସିଦ୍ଧ ପୁରୁଷ କ’ଣ କେବେ କୌଣସି ଜୀବକୁ କ୍ଷତି ପହଞ୍ଚାଇବ?  ତେବେ ସ୍ବାମୀ ବିବେକାନନ୍ଦ ଏବଂ ରାମକୃଷ୍ଣ ପରମହଂସଙ୍କ ଉପରେ ବିବାଦୀୟ ମନ୍ତବ୍ୟ ପରେ ଇସ୍କନ୍ ନିର୍ଣ୍ଣାୟକ ପଦକ୍ଷେପ ନେଇ ତାଙ୍କୁ ଏକ ମାସ ପର୍ଯ୍ୟନ୍ତ ସାଧାରଣ ସଭାରେ ପ୍ରବଚନ ଦେବାକୁ ବାରଣ କରିଥିଲା। ଏହାପରେ ସେ ସମସ୍ତଙ୍କୁ କ୍ଷମା ପ୍ରାର୍ଥନା କରିଛନ୍ତି । 

ସେ ସ୍ପଷ୍ଟ କରିଛନ୍ତି ଯେ ତାଙ୍କର ଉଦ୍ଦେଶ୍ୟ କାହାକୁ ଅପମାନିତ କରିବା ନଥିଲା, ବରଂ ସାକ୍ଷାତକାର ସମୟରେ ତାଙ୍କୁ ଦିଆଯାଇଥିବା ଏକ ନିର୍ଦ୍ଦିଷ୍ଟ ପ୍ରଶ୍ନର ଉତ୍ତର ଦେବା ବ‌େଳେ ସେ ମତ ରଖିଥିଲେ। ଏଥିପାଇଁ ସେ ହୃଦୟରୁ କ୍ଷମା ମାଗୁଛନ୍ତି ବୋଲି କହିଥିଲେ।

Powered by Froala Editor