ଉତ୍ତରପ୍ରଦେଶ ପୟାଗରାଜ ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ କାହାଣୀ ପରି ଆଉ ଏକ ଘଟଣା ସାମ୍ନାକୁ ଆସିବା ପରେ ଅନେକ ସ୍ଥାନରେ ସ୍ବାମୀମାନେ ତାଙ୍କ ସ୍ତ୍ରୀଙ୍କ ପାଠପଢ଼ା ଛଡ଼ାଇ ଦେଇଥିବା ଘଟଣା ଭାଇରାଲ ହେବାରେ ଲାଗିଛି। ସେହିଭଳି ଏକ ଘଟଣା ପୁଣି ସାମନାକୁ ଆସିଛି । 

ଏ ଘଟଣା ପ୍ରୟାଗରାଜରୁ ୫୦କିମି ଦୂର ମେଜାର ଜରାର ଗ୍ରାମରେ ଘଟିଛି। ଏଠାରେ ବସବାସ କରୁଥିବା ରବୀନ୍ଦ୍ର କୁମାର ଏକ ଘରୋଇ  କମ୍ପାନିରେ କାମ କରନ୍ତି। ତାଙ୍କ ସ୍ତ୍ରୀ ରେଶମା ଉତ୍ତରପ୍ରଦେଶ ପୁଲିସରେ କନଷ୍ଟେବଳ ଭାବେ କାମ କରନ୍ତି।

ରବୀନ୍ଦ୍ରଙ୍କ କହିବାନୁସାରେ, ‘ମୁଁ ଜମି ବିକ୍ରି କରି ବହୁତ କଷ୍ଟରେ ମୋର ସ୍ତ୍ରୀକୁ ପାଠପଢ଼ାଥିଲି। ପାଠପଢ଼ିବା ପରେ ସ୍ତ୍ରୀକୁ ପୁଲିସ କନଷ୍ଟେବଳ ଭାବେ ଚାକିରି କରାଇବା ପାଇଁ ମୁଁ ବହୁତ ପରିଶ୍ରମ ବି କରିଛି। ରେଶମା ସରକାରୀ ଚାକିରି ପାଇବା ପରେ ମୋ ଠାରୁ ଅଲଗା ହୋଇଯାଇଥିଲା। ବିନା କାରଣରେ ମୋ ସହିତ ଝଗଡ଼ା ଲଗାଉଥିଲା। ଆଉ ନିଜ ବାପ ଘରକୁ କାହାକୁ କିଛି ନକହି ଚାଲିଯାଇଛି।’

ସ୍ତ୍ରୀକୁ ଫେରିଆସିବାକୁ ରବିନ୍ଦ୍ର ବାରମ୍ବାର ଅନୁରୋଧ କରୁଥିଲେ ବି ରେଶମା କିନ୍ତୁ ଆସିବାକୁ ନାରାଜ । ପୁଲିସରେ ମାମଲା ଦାଏର କରି ତାଙ୍କ ଆତ୍ମସମ୍ମାନ କ୍ଷୁର୍ଣ୍ଣ କରିଥିବାରୁ ସେ ଫେରିବାକୁ ଚାହୁଁନଥିବା କହିଛନ୍ତି ସ୍ତ୍ରୀ ରେଶମା । ତେବେ ଏସଡିଏମ୍ ଜ୍ୟୋତି ମୌର୍ଯ୍ୟଙ୍କ ଘଟଣା ପରଠୁ ସ୍ତ୍ରୀମାନଙ୍କୁ ଆଗକୁ ପଢାଇବାକୁ ଡରୁଥିବା ଏବଂ ପଢାରୁ ଦୂରେଇ ରଖିବାକୁ ସ୍ୱାମୀମାନେ ଚାହୁଁଥିବା ଖବର ଆସୁଛି ।

Powered by Froala Editor