୮୧ କୋଟି ଟଙ୍କା ହଡ଼ପ ଅଭିଯୋଗରେ ଅଶନୀରଙ୍କୁ ପଚରାଉଚରା କରିବ ପୁଲିସ
BharatPeର ପୂର୍ବତନ ନିର୍ଦ୍ଦେଶକ ଅଶନୀର ଗ୍ରୋଭର ଓ ତାଙ୍କ ପତ୍ନୀ ମାଧୁରୀ ଜୈନଙ୍କ ନାଁରେ ଦିଲ୍ଲୀ ପୁଲିସ୍ ମାମଲା ରୁଜୁ କରିଛି। ଉଭୟ ପତିପତ୍ନୀ ଭାରତପେ’ରେ ବଡ଼ ପଦବୀରେ କାର୍ଯ୍ୟରତ ଥିବା ବେଳେ ଚଞ୍ଚକତା କରିଥିବା ଅଭିଯୋଗ ହୋଇଥିଲା। ଏପରିକି ସେମାନେ ନକଲି ଇନ୍ଭଏସ୍ କରି କମ୍ପାନୀ ଆକାଉଣ୍ଟରୁ ୮୧ କୋଟି ଟଙ୍କା ନିଜ ସମ୍ପର୍କୀୟଙ୍କ ଆକାଉଣ୍ଟକୁ ଟ୍ରାନ୍ସଫର କରି ନେଇଥିଲେ। ପୁଲିସ୍ ଏବେ ଏହି ମାମଲାର ଖୋଳତାଡ଼ କରୁଥିବା ବେଳେ ଖୁବ୍ ଶୀଘ୍ର ଗ୍ରୋଭର ଦମ୍ପତିଙ୍କୁ ପଚରାଉଚରା ନିମନ୍ତେ ଡାକିବ ବୋଲି ଜଣାଯାଇଛି।
ଗତ ୧୫ ମାସ ହେଲା ଭାରତପେ’ କମ୍ପାନୀ, ବୋର୍ଡ ତଥା କର୍ମଚାରୀଙ୍କ ବିରୋଧରେ ଅଶନୀର ଷଡଯନ୍ତ୍ର କରି ଚାଲିଛନ୍ତି । ଅଶନୀର ପୂର୍ବରୁ କମ୍ପାନୀର ମ୍ୟାନେଜିଂ ଡାଇରେକ୍ଟର ଥିବା ବେଳେ ତାଙ୍କ ପତ୍ନୀ ମାଧୁରୀ ଜଏଣ୍ଟ ଡାଇରେକ୍ଟର ଏଚଆର ଥିଲେ। ହେଲେ ବିବାଦ କାରଣରୁ ପୂର୍ବରୁ କମ୍ପାନୀ ବୋର୍ଡ ପକ୍ଷରୁ ଅଶନୀରଙ୍କୁ ସମସ୍ତ ପଦରୁ ହଟାଇ ଦିଆଯାଇଥିଲା। ଦିଲ୍ଲୀ ପୁଲିସ୍ର ଖୋଳତାଡ଼ ପରେ ତାଙ୍କର ସବୁ କଳା କାରନାମା ସାମନାକୁ ଆସିବ ବୋଲି କମ୍ପାନୀ ପକ୍ଷରୁ କୁହାଯାଇଛି।
Powered by Froala Editor
