ଦେଶରେ ୭, ୧୭୧ ନୂଆ କରୋନା ଆକ୍ରାନ୍ତ ଚିହ୍ନଟ
ନୂଆଦିଲ୍ଲୀ : ଦେଶରେ ୨୪ ଘଣ୍ଟାରେ ଆଉ ୭ ହଜାର ୧୭୧ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏହାସହ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୫୧,୩୧୪ରେ ପହଞ୍ଚିଛି। ଗତ ୨୪ ଘଣ୍ଟାରେ ଆରୋଗ୍ୟହାର ୯୮.୭୦ ପ୍ରତିଶତ ରେକର୍ଡ ହୋଇଛି। ଗତ କାଲି ତୁଳନାରେ ଆଜି ରେକର୍ଡ ହୋଇଥିବା ମାମଲାରେ ସାମାନ୍ୟ ହ୍ରାସ ହୋଇଛି। ଗତକାଲି ୭ ହଜାର ୫୩୩ ନୂଆ ଆକ୍ରାନ୍ତ ଚିହ୍ନଟ ହୋଇଥିଲେ।
ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନାନୁଯାୟୀ, ଏଯାଏଁ ୪,୪୩,୫୬,୬୯୩ ସଂକ୍ରମିତ ଆରୋଗ୍ୟ ଲାଭ କରିଛନ୍ତି। ଚିକିତ୍ସାଧୀନ ଅବସ୍ଥାରେ ଆଉ ୪୦ ଜଣଙ୍କ ମୃତ୍ୟୁ ହୋଇଥିବା ବେଳେ ମୋଟ କରୋନା ଜନିତ ମୃତ୍ୟୁ ସଂଖ୍ୟା ୫,୩୧,୫୦୮ରେ ପହଞ୍ଚିଛି। ସେହିପରି ଆରୋଗ୍ୟ ହାର ୯୮.୬୯ ପ୍ରତିଶତ ରେକର୍ଡ କରାଯାଇଥିବା ବେଳେ ସକ୍ରିୟ ଆକ୍ରାନ୍ତ ହାର ୦.୧୧ ରେକର୍ଡ କରାଯାଇଛି। ମୃତ୍ୟୁ ହାର ୧.୧୮ ପ୍ରତିଶତ ହୋଇଛି। ରାଷ୍ଟ୍ରବ୍ୟାପୀ କୋଭିଡ୍ -୧୯ ଟିକାକରଣ ଅଭିଯାନ ଅନୁଯାୟୀ, ଦେଶରେ ଏଯାଏଁ କୋଭିଡ ଟିକାର ୨୨୦.୬୬ କୋଟି ପାନ ପ୍ରଦାନ କରାଯାଇଛି।
Powered by Froala Editor
