ସାମ୍ନାକୁ ଆସିଲା ମାଓବାଦୀ ବିସ୍ଫୋରଣର ଭିଡିଓ : ଘୁଶୁଡ଼ି ଘୁଶୁଡ଼ି ଲଢ଼ିଥିଲେ ଯବାନ
ଛତିଶଗଡ଼ର ଦାନ୍ତେୱାଡ଼ାରେ ଗତବୁଧବାର ମାଓବାଦୀ ଆକ୍ରମଣରେ ୧୦ଜଣ ଯବାନଙ୍କ ସମେତ ୧୧ ଜଣଙ୍କ ମୃତ୍ୟୁ ହୋଇଥିଲା। ଆକ୍ରମଣର ଏକ ଏକ୍ସକ୍ଲୁସିଭ ଭିଡିଓ ସାମ୍ନାକୁ ଆସିଛି। ଭିଡିଓଟି ଏହି ଆକ୍ରମଣର କିଛି ସମୟ ପୂର୍ବର ବୋଲି କୁହାଯାଉଛି। ଏହି ଭିଡିଓରୁ କିପରି ଆକ୍ରମଣ ପ୍ରତିଆକ୍ରମଣ ହୋଇଥିଲା ତାହା ସ୍ପଷ୍ଟ ଦେଖିବାକୁ ମିଳିଛି।
ଆକ୍ରମଣ ସମୟରେ ଜଣେ ଯବାନ ଗାଡ଼ି ପଛରେ ଆଶ୍ରୟ ନେଇଥିଲେ। ଯବାନ ଆହତ ହୋଇ ଘୁଶୁଡ଼ି ଘୁଶୁଡ଼ି ଯାଉଥିବା ଦେଖିବାକୁ ମିଳୁଛି। ଏହାପରେ ସେ ବିସ୍ଫୋରଣ କରିଥିବା ମାଓବାଦୀଙ୍କ ଉପରକୁ ଗୁଳିମାଡ଼ କରୁଥିବା ନଜରକୁ ଆସିଛି।
ଭିଡିଓକୁ ବିସ୍ଫୋରଣସ୍ଥଳରେ ଥିବା ଅନ୍ୟଜଣେ ଯବାନ ନିଜ ଫୋନରେ ରେକର୍ଡ କରିଥିବା ଜଣାପଡ଼ିଛି। ଯିଏକି ବିସ୍ଫୋରଣ ପରେ ଅନ୍ୟ ଏକ ଗାଡ଼ି ପଛରେ ଲୁଚି ମାଓବାଦୀଙ୍କ ମୁକାବିଲା କରୁଥିଲେ। ଏହି ଭିଡିଓରେ ମାଓବାଦୀ ଓ ଯବାନଙ୍କ ଗୁଳିଶବ୍ଦ ଓ କେହି ଜଣେ ମାଓବାଦୀ କହୁଛି, ‘ଉଡିଗଲା, ପୂରା ଉଡ଼ିଗଲା’ ଶୁଣିବାକୁ ମିଳୁଛି।
Powered by Froala Editor
