ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀଙ୍କ ପରଲୋକ, ୨୬ ଓ ୨୭ ସାରା ଦେଶରେ ପାଳନ କରାଯିବ ରାଷ୍ଟ୍ରୀୟ ଶୋକ
ନୂଆଦିଲ୍ଲୀ: ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲଙ୍କ ପରଲୋକରେ ଦୁଇ ଦିନିଆ ରାଷ୍ଟ୍ରୀୟ ଶୋକ ଘୋଷଣା। ଦିବଙ୍ଗତ ନେତାଙ୍କ ସମ୍ମାନରେ ଏପ୍ରିଲ ୨୬ ଓ ୨୭ ତାରିଖରେ ସାରା ଦେଶରେ ଶୋକ ପାଳନ କରାଯିବ। ସମସ୍ତ ଅଟ୍ଟାଳିକା ଓ ସରକାରୀ କାର୍ୟ୍ୟାଳୟରେ ଏହି ଦୁଇ ଦିନ ଜାତୀୟ ପତାକା ଅର୍ଦ୍ଧନମିତ ହୋଇରହିବ। ଏହି ଦୁଇ ଦିନ କୌଣସି ସରକାରୀ ମନୋରଞ୍ଜନ କାର୍ୟ୍ୟକ୍ରମ ହେବ ନାହିଁ। ସ୍ଵରାଷ୍ଟ୍ର ମନ୍ତ୍ରାଳୟର ଅତିରିକ୍ତ ଶାସନ ସଚିବ ଆର୍.କେ.ସିଂହ ଏସଂକ୍ରାନ୍ତରେ ସମସ୍ତ ରାଜ୍ୟ ସରକାରଙ୍କ ମୁଖ୍ୟ ଶାସନ ସଚିବ ଓ ସମସ୍ତ କେନ୍ଦ୍ରଶାସିତ ଅଞ୍ଚଳର ପ୍ରଶାସକମାନଙ୍କୁ ବେତାରବାର୍ତ୍ତା ଯୋଗେ ଜଣାଇଛନ୍ତି।
Powered by Froala Editor
