ବିମାନ ଭିତରେ ପୁଣି ଲଜ୍ଜାଜନକ ଘଟଣା : ସହଯାତ୍ରୀଙ୍କ ଉପରେ ପରିସ୍ରା କଲେ ବ୍ୟକ୍ତି
![ବିମାନ ଭିତରେ ପୁଣି ଲଜ୍ଜାଜନକ ଘଟଣା : ସହଯାତ୍ରୀଙ୍କ ଉପରେ ପରିସ୍ରା କଲେ ବ୍ୟକ୍ତି](https://odishanewslens.com/news_gallery/21095_1682358766.jpg)
ପୁଣି ଲଜ୍ଜାଜନକ ଘଟଣା । ଆମେରିକୀୟ ଏୟାରଲାଇନ୍ସର ଏକ ବିମାନରେ ନ୍ୟୁୟର୍କରୁ ଦିଲ୍ଲୀ ଆସୁଥିବା ଜଣେ ଭାରତୀୟ ବ୍ୟକ୍ତିଙ୍କୁ ନିଜ ସହଯାତ୍ରୀଙ୍କ ଉପରେ ପରିସ୍ରା କରିବା ଅଭିଯୋଗରେ ଗିରଫ କରାଯାଇଛି। ଘଟଣାରେ ଏଫଆଇଆର ରୁଜୁ କରାଯାଇଛି ।
ଅଭିଯୁକ୍ତ ଭାରତୀୟ ଯାତ୍ରୀଙ୍କୁ ଏୟାରଲାଇନ୍ସର କର୍ମଚାରୀମାନେ ଅତ୍ୟଧିକ ମଦ୍ୟପାନ କରିଥିବା ଦର୍ଶାଇ ତାଙ୍କୁ ମଦ୍ୟପାନରୁ ନିବୃତ କରାଉଥିଲେ। ଏହାକୁ ନେଇ ବିମାନ କର୍ମଚାରୀଙ୍କ ସହ ତାଙ୍କର ଯୁକ୍ତିତର୍କ ହୋଇଥିବା ବେଳେ ସେ ରାଗି ଯାଇ ତାଙ୍କ ସହଯାତ୍ରୀଙ୍କ ଉପରେ ପରିସ୍ରା କରି ଦେଇଥିଲେ।
ଗତକାଲି ଆମେରିକାନ ଫ୍ଲାଇଟ ଏଏ-୨୯୨ରେ ଏହି ଘଟଣା ଘଟିଥିଲା । ବିମାନଟି ଇନ୍ଦିରା ଗାନ୍ଧୀ ଅନ୍ତର୍ଜାତୀୟ ବିମାନ ବନ୍ଦରରେ ଅବତରଣ କରିବା ମାତ୍ରେ ଅଭିଯୁକ୍ତଙ୍କୁ ସିଆଇଏସଏଫ ଗିରଫ କରିଥିଲା । କିଛି ଦିନ ମଧ୍ୟରେ ଏହି ଧରଣର ଘଟଣା ଘଟିଲାଣି ୩ ଥର । ଗତବର୍ଷ ନଭେମ୍ବର ୨୬ ତାରିଖରେ ନ୍ୟୁୟର୍କ-ଦିଲ୍ଲୀ ବିମାନରେ ଜଣେ ମହିଳାଙ୍କ ଉପରେ ଜଣେ ବ୍ୟକ୍ତି ପରିସ୍ରା କରିଦେଇଥିଲେ । ଗତବର୍ଷ ଡିସେମ୍ବର ୬ରେ ପ୍ୟାରିସ-ନୂଆଦିଲ୍ଲୀ ଏୟାର ଇଣ୍ଡିଆ ବିମାନରେ ଜଣେ ମହିଳାଙ୍କ ସିଟରେ ଜଣେ ବ୍ୟକ୍ତି ପରିସ୍ରା କରିଦେଇଥିଲେ ।
Powered by Froala Editor