ପୋଷ୍ଟର ମାରି ଆଇଏଏସ୍ ଅଧିକାରୀଙ୍କ କୁକୁର ଖୋଜୁଛି ପୁଲିସ
ଜଣେ ଆଇଏଏସ ଅଧିକାରୀଙ୍କ କୁକୁର ହଜିଯିବା ପରେ ପୁଲିସକୁ ନାକେଦମ ହେବାକୁ ପଡ଼ିଛି। ଦୁଇଦିନ ଖୋଜାଖୋଜି କରି ବିଫଳ ହେବା ପରେ ପୁଲିସ ପୋଷ୍ଟର ମାରିଛି। ମଧ୍ୟପ୍ରଦେଶର ବିଲାୱଆ ଏରିଆରେ ଏହି ଘଟଣା ଘଟିଛି।
ଏହି କୁକୁରଟି ହେଉଛି ଜଣେ ଆଇଏଏସ ଅଧିକାରୀଙ୍କର । ମଧ୍ୟପ୍ରଦେଶ କ୍ୟାଡର ସମ୍ପୃକ୍ତ ଆଇଏସ ଅଧିକାରୀଙ୍କର ଦୁଇଟି କୁକୁରକୁ ଦିଲ୍ଲୀରୁ ମଧ୍ୟପ୍ରଦେଶ ଅଣା ଯାଉଥିଲା । ଦୁଇଟି କୁକୁର କାରରେ ଆସୁଥିଲେ । କର୍ମଚାରୀମାନେ ବିଲାଓ୍ବଆ ନିକଟରେ କୁକୁରଙ୍କୁ ଖାଇବାକୁ ଦେବାକୁ ଢାବା ପାଖରେ ପହଞ୍ଚିଥିଲେ । କର୍ମଚାରୀମାନେ ଢାବାରେ ଖାଉଥିଲାବେଳେ କୁକୁର ଦୁଇଟି କାରରୁ ଖସି ଯାଇଥିଲେ ।
ସଙ୍ଗେ ସଙ୍ଗେ ଖୋଜାଖୋଜି ପରେ କର୍ମଚାରୀମାନେ ଗୋଟିଏ କୁକୁର ପାଇଥିବା ବେଳେ ଆଉ ଗୋଟିଏର ପତ୍ତା ମିଳି ନଥିଲା। ତେବେ କର୍ମଚାରୀମାନେ ଅନ୍ୟ କୁକୁରଟିକୁ ଖୋଜା ଖୋଜିରେ ଲାଗିପଡ଼ିଥିଲେ। କିନ୍ତୁ ପାଇ ନଥିଲେ। ଏହା ପରେ କର୍ମଚାରୀମାନେ କୁକୁର ମାଲିକ ତଥା ସମ୍ପୃକ୍ତ ଆଇଏସ ଅଧିକାରୀଙ୍କୁ ଫୋନ୍ କରି ଘଟଣା ବିଷୟରେ ଜଣାଇଥିଲେ। ଏହା ପରେ ଗ୍ବାଲିଓର ପ୍ରାଣୀ ଉଦ୍ୟାନର କର୍ମଚାରୀ ଏବଂ ପୁଲିସ ମିଳିମିଶି କୁକୁରଟିକୁ ଖୋଜିବାକୁ ଲାଗିଥିଲେ। ଏହା ପରେ ପୁଲିସ ବାଧ୍ୟ ହୋଇ ସେହି ଢାବା ନିକଟରେ ନିଖୋଜ ହୋଇଥିବା କୁକୁର ପୋଷ୍ଟର ମାରିଥିଲା।
Powered by Froala Editor
