ଉମେଶ ପାଲ୍ ହତ୍ୟାକାଣ୍ଡ : ପ୍ରୟାଗରେ ଅଭିଯୁକ୍ତକୁ ଏନ୍କାଉଣ୍ଟର
ପୁଲିସ ଏନ୍କାଉଣ୍ଟରରେ ଉମେଶ ପାଲ୍ ହତ୍ୟାକାଣ୍ଡର ଅନ୍ୟତମ ଅଭିଯୁକ୍ତ ଅରବାଜର ମୃତ୍ୟୁ ହୋଇଛି। ଅରବାଜ ଅନ୍ୟତମ ସନ୍ଦିଗ୍ଧ ଥିଲେ ଏବଂ ଉମେଶ ବିଧାୟକ ରାଜୁ ପାଲଙ୍କ ହତ୍ୟା ମାମଲାର ଅନ୍ୟତମ ସାକ୍ଷୀ ଥିଲେ। ଆଜି ପ୍ରୟାଗର ନେହେରୁ ପାର୍କରେ ଅରବାଜଙ୍କୁ ଜିଲ୍ଲା ପୁଲିସ ଏବଂ ଉତ୍ତରପ୍ରଦେଶ ପୁଲିସର ସ୍ପେଶାଲ ଅପରେସନ୍ ଗ୍ରୁପ୍ ଗୁଳି ଚଳାଇଥିଲା।
ଡେପୁଟି କମିଶନର ପୁଲିସ ନଭେନ୍ଦୁ କୁମାରଙ୍କ ଅନୁଯାୟୀ, ଉତ୍ତରପ୍ରଦେଶର ପ୍ରୟାଗରେ ପ୍ରାୟ ୩ଟା ସମୟରେ ଧୋମଙ୍ଗଞ୍ଜ ଥାନା ଅଧୀନରେ ଥିବା ନେହେରୁ ପାର୍କ ନିକଟରେ ଏନ୍କାଉଣ୍ଟର ହୋଇଥିଲା। ଡାକ୍ତରଖାନାରେ ଡାକ୍ତର ଅରବାଜଙ୍କୁ ମୃତ ଘୋଷଣା କରିଥିଲେ। ଅରବାଜଙ୍କ ସହ ଥିବା ଅନ୍ୟ ୨/୩ ଜଣ ଲୋକ ଘଟଣାସ୍ଥଳରୁ ଖସିଯିବାରେ ସଫଳ ହୋଇଥିଲେ। ପୁଲିସ ସେମାନଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।
ଅନ୍ୟପଟେ ଉମେଶ ପାଲ ହତ୍ୟାକାଣ୍ଡ ମାମଲରେ ପୁଲିସ ପ୍ରଥମ ଗିରଫ କରିଛି। ଷଡଯନ୍ତ୍ର ରଚିଥିବା ଅଭିଯୋଗରେ ୨୭ ବର୍ଷ ବୟସ୍କ ଏଲ୍ଏଲ୍ବି ଛାତ୍ରଙ୍କୁ ଏସଟିଏଫ ଗିରଫ କରିଛି। ଗିରଫ ଏଲ୍ଏଲ୍ବି ଛାତ୍ରର ନାଁ ସଦାକତ ଖାନ୍। ଏହି ୨୭ ବର୍ଷୀୟ ଯୁବକଙ୍କ ହିଁ ପୂରା ହତ୍ୟାକାଣ୍ଡର ମାଷ୍ଟର ମାଇଣ୍ଡ ବୋଲି କୁହାଯାଉଛି। ସୂଚନା ମୁତାବକ, ମୁସଲିମ ହଷ୍ଟେଲ ରୁମ୍ରେ ଉମେଶ ପାଲଙ୍କୁ କିଭଳି ହତ୍ୟା କରାଯିବ ତା’ର ପୂରା ଷଡଯନ୍ତ୍ର ରଚାଯାଇଥିଲା। ସଦାକତ ଖାନ୍ ଅବୈଧ ରୂପେ ଆହ୍ଲାବାଦ ସେଣ୍ଟ୍ରାଲ ୟୁନିର୍ଭସିଟିର ମୁସଲିମ ହଷ୍ଟେଲରେ ରହୁଥଲା ବୋଲି ଏସ୍ଟିଏପ୍ ସନ୍ଦେହ କରୁଛି। ହଷ୍ଟେଲ ରୁମ୍ରେ ଅନେକ ସନ୍ଦେହ ଜନକ ସାମଗ୍ରୀ ମିଳିଥିବା ପୁଲିସ କିହଛି ।
ସୂଚନାଯୋଗ୍ୟ, ଶୁକ୍ରବାର ବିଏସ୍ପି ବିଧାୟକ ରାଜୁ ପାଲଙ୍କ ହତ୍ୟା ଘଟଣାର ପ୍ରାଥମିକ ସାକ୍ଷୀ ଉମେଶ ପାଲଙ୍କୁ ତାଙ୍କ ବାସଭବନରେ ଗୁଳି କରିବା ପରେ ବୋମା ଫିଙ୍ଗି ହତ୍ୟା କରାଯାଇଥିଲା।
Powered by Froala Editor