ନୂଆଦିଲ୍ଲୀ: ସୁପ୍ରିମକୋର୍ଟଙ୍କ ଠାରୁ ସିନ୍ଦେ ଗୋଷ୍ଠୀକୁ ଏକ ବଡ଼ ଆଶ୍ବସ୍ତି ମିଳିଛି । ଶିବସେନାର ନାମ ଏବଂ ନିର୍ବାଚନ ଚିହ୍ନକୁ ନେଇ ନିର୍ବାଚନ ଆୟୋଗଙ୍କ ନିର୍ଦ୍ଦେଶ ଉପରେ ରୋକ ଲଗାଇବା ପାଇଁ ସୁପ୍ରିମକୋର୍ଟ ମନା କରି ଦେଇଛନ୍ତି । ଏହି ମାମଲାରେ ଅଦାଲତ ଉଦ୍ଧବ ଠାକରେ ଗୋଷ୍ଠୀକୁ ଦୁଇ ସପ୍ତାହ ମଧ୍ୟରେ ଜବାବ ଦେବାକୁ କହିଛନ୍ତି । ସର୍ବୋଚ୍ଚ ନ୍ୟାୟାଳୟ କହିଛନ୍ତି ଯେ ଆମେ ନିର୍ବାଚନ ଆୟୋଗର ନିଷ୍ପତ୍ତି ଉପରେ ରୋକ୍ ଲଗାଇ ପାରିବୁ ନାହିଁ ।
ମଙ୍ଗଳବାର ଉଦ୍ଧବ ଠାକରେଙ୍କ ନେତୃତ୍ୱାଧୀନ ଶିବସେନା ଗୋଷ୍ଠୀ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ଏବଂ ତାଙ୍କ ଗୋଷ୍ଠୀର ଶିବସେନା ବିଧାୟକଙ୍କ ବିରୋଧରେ ବିଚାରାଧୀନ ଅଯୋଗ୍ୟତା ପ୍ରକ୍ରିୟା ଉପରେ ନିଷ୍ପତ୍ତି ନେବାକୁ ସୁପ୍ରିମକୋର୍ଟଙ୍କୁ ଅନୁରୋଧ କରିଥିଲେ । ସମ୍ବିଧାନର ଗଣତାନ୍ତ୍ରିକ ଆତ୍ମାକୁ ବଜାୟ ରଖିବା ପାଇଁ ଏହା ହେଉଛି ଏକମାତ୍ର ଉପାୟ ବୋଲି ଶିବସେନା କହିଥିଲା ।

ନିର୍ବାଚନ ଆୟୋଗ ଶୁକ୍ରବାର ଦିନ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଦଳକୁ ଅସଲ ଶିବସେନା ଭାବରେ ସ୍ୱୀକୃତି ଦେଇଥିଲେ ଏବଂ ଏହାକୁ ‘ଧନୁ ଓ ତୀର’ ନିର୍ବାଚନ ଚିହ୍ନ ବଣ୍ଟନ କରିବାକୁ ନିର୍ଦ୍ଦେଶ ଦେଇଥିଲେ । ଦଳ ଉପରେ ନିୟନ୍ତ୍ରଣ ପାଇଁ ଦୀର୍ଘ ଦିନ ଧରି ଜାରି ରହିଥିବା ଲଢେଇ ପରେ ୭୮ ପୃଷ୍ଠାର ନିଜ ଆଦେଶରେ ଉଦ୍ଧବ ଠାକରେ ଗୋଷ୍ଠୀକୁ ନିର୍ବାଚନ ଆୟୋଗ କହିଥିଲେ ଯେ, ରାଜ୍ୟରେ ବିଧାନସଭା ଉପନିର୍ବାଚନ ପୂରଣ ହେବା ପର୍ୟ୍ୟନ୍ତ ମସାଲ୍ ଚିହ୍ନ ରଖିବାକୁ ଅନୁମତି ଦିଆଯାଉଛି ।

Powered by Froala Editor