ଖାଦ୍ୟ ନଖାଇବାରୁ ୧୬ ମାସର ପିଲାକୁ ପିଟି ଚେୟାରରୁ ଠେଲି ଦେଉଛନ୍ତି ଡେ’ କେୟାର କର୍ମଚାରୀ
![ଖାଦ୍ୟ ନଖାଇବାରୁ ୧୬ ମାସର ପିଲାକୁ ପିଟି ଚେୟାରରୁ ଠେଲି ଦେଉଛନ୍ତି ଡେ’ କେୟାର କର୍ମଚାରୀ](https://odishanewslens.com/news_gallery/19585_1676445997.jpg)
ନାଭି ମୁମ୍ବାଇ : ନାଭି ମୁମ୍ବାଇ ଅଞ୍ଚଳରେ ଏମିତି ଏକ ଘଟଣା ଘଟିଛି ଯାହା ଆପଣଙ୍କୁ ହଇରାଣ କରିଦେବ । ୧୬ ମାସର ଛୁଆଟେ ଖାଦ୍ୟ ନଖାଇବାରୁ ଡେ’ କେୟାରର ଜଣେ ମହିଳା ତାଙ୍କୁ ବାରବାର ପିଟିବାର ସିସିଟିଭି ଦୃଶ୍ୟ ଏବେ ଭାଇରାଲ ହେବାରେ ଲାଗିଛି ।
ବାଶିର ସ୍ମାର୍ଟ ଟଟସରେ ହୋଇଥିବା ଏହି ଘଟଣାର ସିସିଟିଭି ଦୃଶ୍ୟକୁ ଛୁଆଟିର ବାପା ଟ୍ୱିଟରରେ ପୋଷ୍ଟ କରିଥିଲେ । ଗତ ଫେବୃଆରୀ ୮ରେ ସେ ଏହି ଭିଡ଼ିଓ ପୋଷ୍ଟ କରିବା ସହ ବିଭିନ୍ନ ଅଧିକାରୀଙ୍କୁ ଟ୍ୟାଗ କରିଥିଲେ । ନାଭି ମୁମ୍ବାଇ ପୁଲିସକୁ ମଧ୍ୟ ଟ୍ୟାଗ କରାଯାଇଥିଲା ।
ଏହି ଲିଙ୍କ କ୍ଲିକ କରି ଭିଡ଼ିଓ ଦେଖନ୍ତୁ
ଟ୍ୟାଗ କରି ବେନି ଉଲ୍ଳେଖ କରିଥିଲେଯେ, ‘ବାସି, ସେକ୍ଟର ୨୮, ସ୍ମାର୍ଟ ଟଟସରେ ମୋର ୧୬ ମାସର ଛୁଆ ସହ କିଭଳି ଘଟଣା ଘଟୁଛି, ଆପଣ ଦେଖନ୍ତୁ । ଏହି ମହିଳା ଓ ମାଲିକଙ୍କ ବିରୋଧରେ ଏନସିଆର ଏତଲା ଦାଏର କରିଛନ୍ତି । ଛୁଆକୁ ପିଟିବା ପାଇଁ କାହାର ଅଧିକାର ନାହିଁ’ ବୋଲି ସେ ଉଲ୍ଲେଖ କରିଥିଲେ ।
ବେନି ପୋଷ୍ଟ କରିଥିବା ଭିଡ଼ିଓରେ ଦେଖିବାକୁ ମିଳୁଛିଯେ, ଜଣେ ମହିଳା ଚେୟାର ଉପରେ ବସିଥିବା ଛୁଆକୁ ଚାମଚରେ ଖାଇବାକୁ ଦେଉଛନ୍ତି । କିନ୍ତୁ ପିଲାଟି ନଖାଇବାରୁ ତାକୁ ପିଟିବା ସହ ଚେୟାରରୁ ଟାଣି ଠେଲି ଦେଉଛନ୍ତି । ବଡ଼ ପାଟିରେ ସେ ଚିତ୍କାର କରୁଥିବା ଦେଖିବାକୁ ମିଳିଛି ।
ଫେବୃଆରୀ ୨୩ରେ ନାଭି ମୁମ୍ବାଇ ପୁଲିସ ଏହି ଟ୍ୱିଟର ଜବାବ ଦେବା ସହ ଏହି ଅଭିଯୋଗ ସେହି ଅଞ୍ଚଳର ଥାନାକୁ ପଠାଇ ଦିଆଯାଇଛି ବୋଲି ଉଲ୍ଲେଖ କରିଛନ୍ତି । ଅପରପକ୍ଷରେ ପିଲାଟିର ବାପା ଏହି ଘଟଣାର ମାମଲା ରୁଜୁ କରାଯାଉ ବୋଲି ଦାବି କରିଛନ୍ତି ।
Powered by Froala Editor