ମୁଣ୍ଡଫଟା ଖରରେ ରୋଗୀଣା ବାପାକୁ ଠେଲାରେ ନେଲା ୬ ବର୍ଷର ପୁଅ
ମଧ୍ୟପ୍ରଦେଶର ସିଙ୍ଗରୌଲି ଜିଲ୍ଲାର ବଲିୟରି ଅଞ୍ଚଳରୁ ଏକ ହୃଦୟବିଦାରକ ଘଟଣା ସାମ୍ନାକୁ ଆସିଛି। ଡ଼ହ ଡ଼ହ ଖରାରେ ରୋଗୀଣା ବାପାକୁ ଠେଲା ଗାଡିରେ ବୋହି ନେଉଛି ୬ ବର୍ଷର ପୁଅ। ଏହି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଭିଡିଓ ଭାଇରାଲ ହେବାପରେ ଜିଲ୍ଲା ପ୍ରଶାସନ ଏହାର ଯାଞ୍ଚ କରିବା ପାଇଁ ନିର୍ଦ୍ଦେଶ ଜାରି କରିଛନ୍ତି। ଏଡିଏମ୍ ଡିପି ବର୍ମନ ମାମଲାର ଯାଞ୍ଚ ଜାରି ରଖିଛନ୍ତି।
ବଲିୟରୀ ଅଞ୍ଚଳରେ ରହୁଥିବା ଶାହା ପରିବାରର ଜଣେ ବ୍ୟକ୍ତିଙ୍କ ସ୍ୱାସ୍ଥ୍ୟାବସ୍ଥା ହଠାତ ବିଗିଡି ଯାଇଥିଲା। ଏହାପରେ ପତ୍ନୀ ଆଉ ପୁଅ ୧୦୮ ଆମ୍ବୁଲାନ୍ସକୁ ଫୋନ୍ କରିଥିଲେ। କିନ୍ତୁ ଆମ୍ବୁଲାନ୍ସ ପହଞ୍ଚିନଥିଲା। ଭଡ଼ାରେ ଗାଡ଼ି କରିବାକୁ ଉଭୟ ମା' ପୁଅଙ୍କ ପାଖରେ ଟଙ୍କା ମଧ୍ୟ ନଥିଲା। ତେଣୁ ଛଅ ବର୍ଷର ପୁଅ ଓ ମା' ମିଶି ରୋଗୀଣା ବ୍ୟକ୍ତିଙ୍କୁ ଠେଳା ଗାଡିରେ ଶୁଆଇ ଠେଲି ଠେଲି ଘର ଠାରୁ ତିନି କିଲୋମିଟର ଦୂରରେ ଅବସ୍ଥିତ ହସ୍ପିଟାଲରେ ପହଞ୍ଚିଥିଲେ। ସେଠାରେ ଡାକ୍ତର ଉକ୍ତ ବ୍ୟକ୍ତିଙ୍କ ଚିକିତ୍ସା କରିଥିଲେ। ଚିକିତ୍ସା ପରେ ଏବେ କୁନି ପୁଅର ବାପା ସୁସ୍ଥ ଅଛନ୍ତି।
Powered by Froala Editor
