ଚାଞ୍ଚଲ୍ୟ: ଘରେ ପଶି କୁରାଢିରେ ହାଣି ହତ୍ୟା କଲେ ଦୁର୍ବୁତ୍ତ
ବଲାଙ୍ଗିର : ବଲାଙ୍ଗିର ଜିଲ୍ଲା ପୁଇଁନ୍ତଳା ଥାନା ଅଇଁଲାସାରି ଗ୍ରାମରେ ଚାଞ୍ଚଲ୍ୟ। ବିଳମ୍ବିତ ରାତିରେ ହତ୍ୟାକାଣ୍ଡ। ଘରେ ପଶି ଜଣଙ୍କୁ ହାଣି ହତ୍ୟା କରାଯାଇଥିବା ଅଭିଯୋଗ। ମୃତକ ଜଣଙ୍କ ହେଲେ ଜନମୁ ଖୁଟୁଲି। ନିଜଘରେ ଶୋଇଥିବା ସମୟରେ ଜନମୁ ଖୁଟୁଲିଙ୍କୁ କୁରାଢିରେ ହାଣିବା ସହିତ ଧାରୁଆ ଅସ୍ତ୍ରରେ ବେକ ଏବଂ କାନକୁ ବାରମ୍ବାର ଲହୁ ଲୁହାଣ କରିଥିଲେ ଦୁର୍ବୁତ୍ତ ।
ଘଟଣା ସମ୍ପର୍କରେ ଘର ଲୋକ ଖବର ପାଇ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ବଲାଙ୍ଗୀର ଡାକ୍ତରଖାନାକୁ ନେଇଥିଲେ। ସେଠାରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା। ବୁର୍ଲାରେ ଚିକିତ୍ସିତ ଅବସ୍ଥାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ।
Powered by Froala Editor
