ଚର୍ଚ୍ଚାରେ ଅର୍ଥମନ୍ତ୍ରୀଙ୍କ ଟେମ୍ପୁଲ ଶାଢି
ନୂଆଦିଲ୍ଲୀ : ବଜେଟ ଉପସ୍ଥାପନ ଦିନ ଅର୍ଥମନ୍ତ୍ରୀ ନିର୍ମଳା ସୀତାରମଣ କେଉଁ ଶଢି ପିନ୍ଧିବେ ତାହାକୁ ସମସ୍ତେ ଉତ୍ସୁକତାର ସହ ଚାହିଁରହିଥାନ୍ତି । ସେ ହସ୍ତତନ୍ତ ଶାଢି ପସନ୍ଦ କରନ୍ତି । ଚଳିତବର୍ଷ ୨୦୨୩-୨୪ ବଜେଟ୍ ଉପସ୍ଥାପନ ଦିନ କେନ୍ଦ୍ର ଅର୍ଥମନ୍ତ୍ରୀଙ୍କ ଶାଢିକୁ ନେଇ ଚର୍ଚ୍ଚା ହେଉଛି । ସେ ଗତକାଲି ଲାଲ ରଙ୍ଗର ‘ଇଲକାଲ’ ବା ସମ୍ବଲପୁରୀ ଶାଢି ପିନ୍ଧିଥିଲେ । ଯେଉଁଥିରେ କଳା ରଙ୍ଗର ଧଡି ଥିଲା । ତାହା ଟେମ୍ପୁଲ ଶାଢି ଭାବେ ପରିଚିତ । ପୂର୍ବରୁ ସେ ଅନେକ ସମୟରେ ୧୦ଟଙ୍କିଆ ନୋଟରୁ ଆରମ୍ଭ କରି ୨୦୦୦ଟଙ୍କିଆ ନୋଟ କଲରର ମ୍ୟାଚିଂ ଶାଢୀ ପିନ୍ଧି ଚର୍ଚ୍ଚାକୁ ଆସିଛନ୍ତି ।
ସୂଚନା ଅନୁସାରେ ବଜେଟ୍ ବେଳେ ନିର୍ମଳା ପିନ୍ଧିଥିବା ଶାଢୀ କର୍ଣ୍ଣାଟକର ଧରଓବାଡରେ ତିଆରି ହୋଇଛି । ଏହି ଇଲକାଲ ଶାଢୀରେ କସୁଟି କାମ ହୋଇଛି । ଜିଲ୍ଲା ପ୍ରଶାସନ ପକ୍ଷରୁ ଅର୍ଡର ପାଇବା ପରେ ଆରତୀ କ୍ରାଫ୍ଟସର ଏକ ମହିଳା ଗୋଷ୍ଠୀ ଶାଢୀ ଜିଜାଇନ କରିଥିବା ଏହାର ପ୍ରତିଷ୍ଠାତା ଆରତି ହିରେମାଥ୍ କହିଛନ୍ତି । କେନ୍ଦ୍ରମନ୍ତ୍ରୀ ପ୍ରହ୍ଲାଦ ଯୋଶୀ ଏହି ଶାଢୀର ନମୁନା କିଛି ମାସ ପୂର୍ବରୁ ଅର୍ଥମନ୍ତ୍ରୀଙ୍କୁ ଦେଖାଇଥିଲେ । ପରେ କେନ୍ଦ୍ର ସରକାରଙ୍କ ପକ୍ଷରୁ ଧରୱାଡ ଜିଲ୍ଲା ପ୍ରଶାସନକୁ ଏହି ଶାଢୀ ପାଇଁ ଅର୍ଡର ଦିଆଯାଇଥିଲା ।
Powered by Froala Editor
