୧୨,୦୦୦ କର୍ମଚାରୀଙ୍କୁ ଛଟେଇ କରିବ ଆଲଫାବେଟ୍
ଟେକ୍ନୋଲୋଜି କ୍ଷେତ୍ରର ଅନେକ ବଡ଼ କମ୍ପାନୀ ଛଟେଇ କରୁଛନ୍ତି। ଏହି କ୍ରମରେ ଗୁଗୁଲର ପ୍ୟାରେଣ୍ଟ କମ୍ପାନୀ ଆଲଫାବେଟ୍ ୧୨ହଜାର କର୍ମଚାରୀଙ୍କୁ ଛଟେଇ କରିବାକୁ ଯାଉଛି। କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଗଣମାଧ୍ୟମ ସହିତ ଏକ ଷ୍ଟାଫ୍ ମେମୋ ସେୟାର କରି ଏହି ସୂଚନା ଦେଇଛନ୍ତି। ଏହି ଛଟେଇ ପୁଣି ଟେକ୍ନୋଲଜି କ୍ଷେତ୍ରରେ ଆଉ ଏକ ବଡ଼ ଝଡ଼ ସୃଷ୍ଟି କରିଛି। ପୁର୍ବରୁ କମ୍ପାନୀର ପ୍ରତିଦ୍ୱନ୍ଦୀ ମାକ୍ରୋସଫ୍ଟ କର୍ପ ଏହାର ୧୦ ହଜାର କର୍ମଚାରୀଙ୍କୁ ଛଟେଇ କରିବାକୁ ଘୋଷଣା କରି ସାରିଛି। ଏହି ଛଟେଇ ଦ୍ୱାରା ସମଗ୍ର ବିଶ୍ୱରେ ଥିବା ଗୁଗୁଲର କର୍ମଚାରୀ ପ୍ରଭାବିତ ହେବେ।
ଆଲଫାବେଟର ସିଇଓ ସୁନ୍ଦର ପିଚାଇ ରଏଟର୍ସ ସହ ସେୟାର କରିଥିବା ଏକ ଷ୍ଟାଫ୍ ମେମୋରେ କହିଛନ୍ତି ଯେ କମ୍ପାନୀ ଗତ କିଛି ବର୍ଷ ମଧ୍ୟରେ କର୍ମଚାରୀ ଦ୍ରୁତ ଗତିରେ ବିସ୍ତାର କରିଛି। ଯାହା ଆଜି ଆମେ ସାମ୍ନା କରୁଥିବା ତୁଳନାରେ ଏକ ଭିନ୍ନ ଅର୍ଥନୈତିକ ବାସ୍ତବତା ପାଇଁ ଥିଲା। ତେବେ ଏହି ନିଷ୍ପତ୍ତି ପାଇଁ ମୁଁ ସମ୍ପୂର୍ଣ୍ଣ ଦାୟିତ୍ୱ ଗ୍ରହଣ କରୁଛି ବୋଲି ସେ କହିଛନ୍ତି।
Powered by Froala Editor
