ଗିନିଜ୍ ବିଶ୍ବ ରେକର୍ଡରେ ‘ସ୍ପେୟାର’
ବ୍ରିଟେନର ପ୍ରିନ୍ସ ହ୍ୟାରିଙ୍କ ଦ୍ବାରା ଲିଖିତ ପୁସ୍ତକ ‘ସ୍ପେୟାର’ ଗିନିଜ୍ ବିଶ୍ବ ରେକର୍ଡରେ ସ୍ଥାନ ପାଇଛି। ପ୍ରକାଶ ପାଇବାର ପ୍ରଥମ ଦିନରେ ବ୍ରିଟେନ୍, ଯୁକ୍ତରାଷ୍ଟ୍ର ଆମେରିକା ଓ କାନାଡ଼ାରେ ରେକର୍ଡ ୧୪.୩ ଲକ୍ଷ କପି ବିକ୍ରି ହୋଇଛି। ପ୍ରିନ୍ସ ହ୍ୟାରିଙ୍କ ଦ୍ବାରା ଲିଖିତ ପୁସ୍ତକରେ ରାଜ ପରିବାର ସଂପର୍କରେ ଅନେକ ରୋଚକ ଖବର ରହିଛି। ଏକ ବିବାଦକୁ ନେଇ ବଡ଼ ଭାଇ ପ୍ରିନ୍ସ ୱିଲିଅମ ତାଙ୍କୁ ୨୦୧୯ରେ ପିଟିଥିବା ବିଷୟ ଉଲ୍ଲେଖ ରହିଛି। ଏଥିସହିତ ଦୁଇ ଭାଇ ସେମାନଙ୍କ ବାପାଙ୍କୁ କ୍ବିନ କନସର୍ଟ କାମିଲାଙ୍କୁ ବାହା ନହେବା ପାଇଁ ପ୍ରବର୍ତ୍ତାଇ ଥିବା ବିଷୟ ବଖାଣିଛନ୍ତି। ପୁସ୍ତକରେ ଏହା ମଧ୍ୟ ପ୍ରକାଶ କରିଛନ୍ତି ଯେ ଆଫଗାନିସ୍ତାନରେ ସେ ୨୫ ଜଣ ତାଲିବାନଙ୍କୁ ହତ୍ୟା କରିଥିଲେ। ବାସ୍ତବତା ଉପରେ ଲିଖିତ ଏହି ପୁସ୍ତକ ଯେତିକି ରୋମାଞ୍ଚକର ସେତିକି ସତ୍ୟ । ତେଣୁ ପାଠକଙ୍କ ବହୁତ ପସନ୍ଦ ହୋଇପାରିଛି ।
ପୂର୍ବରୁ ଗିନିଜ୍ ବିଶ୍ବ ରେକର୍ଡ ଆମେରିକାର ପୂର୍ବତନ ରାଷ୍ଟ୍ରପତି ବାରାକା ଓବାମାଙ୍କ ଦ୍ବାରା ଲିଖିତ ପୁସ୍ତକ ‘ଏ ପ୍ରୋମିଜ୍ଡ ଲ୍ୟାଣ୍ଡ୍’ ନାମରେ ରହିଥିଲା। ୨୦୨୦ରେ ଓବାମାଙ୍କ ଉକ୍ତ ପୁସ୍ତକ ପ୍ରକାଶ ପାଇଥିଲା। ପ୍ରକାଶ ପାଇବାର ପ୍ରଥମ ଦିନରେ ୮,୮୭,୦୦୦ ପୁସ୍ତକ ବିକ୍ରି ହୋଇଥିଲା।
Powered by Froala Editor
