ଦିିଲ୍ଲୀ ଇନ୍ଦିରା ଗାନ୍ଧୀ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ଖୋଲାରେ ପରିସ୍ରା କରିବା ଜଣେ ଯାତ୍ରୀଙ୍କୁ ମହଙ୍ଗା ପଡିଛି। ଅଭିଯୋଗ ପରେ ପୁଲିସ ତାଙ୍କୁ ଉଠାଇ ନେଇଛି। ଯାତ୍ରୀଙ୍କ ବିରୋଧରେ ପୁଲିସ ଆଇପିସି ଧାରା ୨୯୪ ଓ ୫୧୦ ଜରିଆରେ ଏଫ୍‌ଆଇଆର୍ ରୁଜୁ କରିଛି। 

ଜାନୁଆରୀ ୮ ତାରିଖ ପ୍ରାୟ ସନ୍ଧ୍ୟା ୫.୩୦ ମିନିଟ୍‌ରେ ଡିପାର୍ଚର ଗେଟ୍ ନମ୍ବର-୬ ନିକଟରେ ଜଣେ ଯାତ୍ରୀ ପରିସ୍ରା କରୁଥିବା ଖବର ପୁଲିସକୁ ମିଳିଥିଲା। ପରିସ୍ରା କରିଥିବା ବ୍ୟକ୍ତି ନିଶାଶକ୍ତ ଥିବା ଅଭିଯୋଗ ହୋଇଥିଲା। ଏହାପରେ ତୁରନ୍ତ ପୁଲିସ ଓ ସିଆର୍‌ପିଏଫ୍ ଟିମ୍ ଘଟଣାସ୍ଥଳରେ ପହଞ୍ଚି ଉକ୍ତ ଯାତ୍ରୀଙ୍କୁ ଗିରଫ କରିଥିଲେ। 

ଗିରଫ ହୋଇଥିବା ଅଭିଯୁକ୍ତଙ୍କ ନାମ ଜୋହର ଅଲ୍ଲୀ ଖାନ ଓ ବୟସ ୩୯ବର୍ଷ ରହିଛି। ଜୋହର ବିହାରରେ ବସବାସ କରନ୍ତି। ସେ ଦିଲ୍ଲୀରୁ ସାଉଦି ଆରବର ଦମ୍ମାମ ଅଭିମୁଖେ ଯିବା ପାଇଁ ବିମାନବନ୍ଦରରେ ପହଞ୍ଚିଥିଲେ। ତେବେ ବିମାନବନ୍ଦରରେ ଯାତାୟାତ କରୁଥିବା ଯାତ୍ରୀମାନେ ଜୋହରଙ୍କୁ ସମସ୍ତଙ୍କ ସାମ୍ନାରେ ଖୋଲାରେ ପରିସ୍ରା କରୁଥିବା ଦେଖିଥିଲେ। ସେ ନିଶାରେ ଥିବା ଭଳି ଲାଗିବା ପରେ ଯାତ୍ରୀମାନେ ଏସମ୍ପର୍କରେ ପୁଲିସରେ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ଜୋହରଙ୍କ ଡାକ୍ତରି ପରୀକ୍ଷା କରିବା ପରେ ଗିରଫ କରି ନେଇଥିଲା। କିନ୍ତୁ ପରେ ତାଙ୍କୁ ଜାମିନ ମିଳି ଯାଇଥିଲା।

Powered by Froala Editor