ପାକିସ୍ତାନ ଗୃହମନ୍ତ୍ରୀଙ୍କୁ ଜୋତା ମାଡ଼
![ପାକିସ୍ତାନ ଗୃହମନ୍ତ୍ରୀଙ୍କୁ ଜୋତା ମାଡ଼](https://odishanewslens.com/news_gallery/18870_1673429897.jpg)
ନୂଆଦିଲ୍ଲୀ: ପାକିସ୍ତାନର ଗୃହମନ୍ତ୍ରୀଙ୍କ ଉପରକୁ ଜୋତାମାଡ଼ ହୋଇଛି । ଗତକାଲି ପାକିସ୍ତାନର ଗୃହମନ୍ତ୍ରୀ ରାଣା ସାନାଉଲ୍ଲାହଙ୍କୁ ଜୋତା ଫିଙ୍ଗିବାର ଏକ ଭିଡିଓ ଭାଇରାଲ ହେବାର ଲାଗିଛି । ରାଣା ଏକ ବୈଠକରେ ଯୋଗ ଦେବା ପରେ କାରରେ ଆସୁଥିବା ବେଳେ ଏହି ଆକ୍ରମଣ ହୋଇଛି । ହେଲେ କାରର ଝରକା ଗୁଡ଼ିକ ବନ୍ଦ ଥିବାରୁ ସେ କୌଣସି ଆଘତ ପାଇନାହାନ୍ତି । ଜୋତା ଆକ୍ରମଣର ଭିଡିଓ କ୍ୟାମେରାରେ କଏଦ ହେବା ସହ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
କିଏ ଏହି ଆକ୍ରମଣ କରିଛି ତାହା ଏପର୍ଯ୍ୟନ୍ତ ଜଣା ପଡିନାହିଁ । ଘଟଣାକୁ ନେଇ ପୁଲିସ ବର୍ତ୍ତମାନ ତଦନ୍ତ ଆରମ୍ଭ କରିଛି । ପୂର୍ବରୁ ପାକିସ୍ତାନରେ ଏପରି ଘଟଣା ଅନେକ ଥର ଦେଖିବାକୁ ମିଳିଛି । ନେତା ମାନଙ୍କ ଉପରକୁ ଲୋକମାନେ ଜୋତା ଓ କାଳି ଫିଙ୍ଗିଥିବା ନଜିର ରହିଛି । ହେଲେ ବର୍ତ୍ତମାନ ପାକିସ୍ତାନ ଆର୍ଥିକ ସଙ୍କଟ ଦେଇ ଗତି କରୁଛି । ନିତ୍ୟ ବ୍ୟବହାର କିଛି ଜିନିଷର ଦାମ ଆକାଶ ଛୁଆଁ ହୋଇଛି । ଏମିତିକି ଅଟାର ଦାମ୍ ୧୫୦ଟଙ୍କା ଛୁଇଁଛି । ଯାହାକି ବର୍ତ୍ତମାନ ପାକିସ୍ତାନରେ ଅସନ୍ତୋଷର କାରଣ ପାଲଟିଛି ।
Powered by Froala Editor