ସଂସଦରେ ଆମର ଆଚରଣ ଦେଖି ବାହାରେ ହସୁଛନ୍ତି ୧୩୫କୋଟି ଲୋକ:ଉପରାଷ୍ଟ୍ରପତି
ନୂଆଦିଲ୍ଲୀ : ଉପରାଷ୍ଟ୍ରପତି ଜଗଦୀପ ଧନଖଡ ରାଜ୍ୟସଭାରେ ଠିଆ ହୋଇ କହିଲେ ଯେ, ସଂସଦରେ ଆମର ଆଚରଣ ଦେଖି ବାହାରେ ୧୩୫କୋଟି ଲୋକ ହସୁଛନ୍ତି । ସ୍ୱାଧୀନତା ସଂଗ୍ରାମକୁ କୌଣସି ଅବଦାନ ନାହିଁ ବୋଲି ବିଜେପି ଓ ଆରଏସଏସ୍ ପ୍ରତି ମଲ୍ଲିକାର୍ଜୁନ ଖଡଗେଙ୍କ ମନ୍ତବ୍ୟକୁ ନେଇ ସଂସଦରେ ପୁଣି ଥରେ ବିଶୃଙ୍ଖଳା ଦେଖାଦେଇଛି । ଏପ୍ରକାର ଆଚରଣ ଯୋଗୁଁ ଆମେ ବଦନାମ ହେଉଛୁ । ଆମେ ଏକ ଖରାପ ଉଦାହରଣ ସୃଷ୍ଟି କରୁଛୁ ।
ସଂସଦରେ ଶାସକ ଦଳର ନେତା କହିବା ବେଳେ ବିରୋଧୀ ଦଳ ଏବଂ ବିରୋଧୀ ଦଳର ନେତା କହିବାବେଳେ ଶାସକ ଦଳ ବିଶୃଙ୍ଖଳା କରିବା ସ୍ପୃହଣୀୟ ନୁହେଁ ବୋଲି ଧନଖଡ କହିଥିଲେ । ସେ କହିଥିଲେ ଯେ, ଖଡଗେ ରାଜସ୍ଥାନ ର୍ୟାଲିରେ କହୁ କହୁ ‘କୁକୁର’ ଶଦ୍ଦଟି ତାଙ୍କ ପାଟିରୁ ବାହାରି ପଡିଥିଲା । ସଂସଦରେ ସେ କହିଥିଲେ ଯେ, ବାହାରେ ମୁଁ ଯାହା କହିଦେଇଛି,ତାକୁ ଗୃହରେ ଆଲୋଚନା କରିବା ଆବଶ୍ୟକତା ନାହିଁ । ଗୃହରେ ସେ ବାରମ୍ବାର କୁକୁର ପ୍ରସଙ୍ଗଟିକୁ ଛାଡି ତାଙ୍କ ଯୁକ୍ତି ଉପସ୍ଥାପନ କରିଥିଲେ । ବାହାରେ ବେଳେବେଳେ ଭାବପ୍ରବଣତାର ବଶବର୍ତ୍ତୀ ହୋଇ ଆମେ କ’ଣ ଗୋଟାଏ କହିଦେିଥାଉ, ଯାହାର କୌଣସି ଭିତ୍ତି ବା ଯୌକ୍ତିକିତା ନଥାଏ । ଏହା ଉପରେ ଭିନ୍ନ ମତ ଥାଇପାରେ ।
ମାତ୍ର ତା’ ମାନେ ନୁହେଁ ଯେ ଗୃହରେ ଯେତେବେଳେ ଜଣେ ଶାସକ ବା ବିରୋଧୀ ଦଳର ନେତା କିଛି କହୁଛନ୍ତି ସେତେବେଳେ ଅନ୍ୟମାନେ ବିଶୃଙ୍ଖଳା ସୃଷ୍ଟି କରିବେ । ଏହା କ’ଣ ଯେସାକୁ ତେସା ନୀତି? ଧନଖଡ କହିଥିଲେ ଯେ ଗୃହରେ କେହିକିଛି କହିବାକୁ ଚାହୁଁଥିଲେ ଓ ତାକୁ ରେକର୍ଡରୁ କାଟିବାକୁ ଚାହୁଁନଥିଲେ, ନିଜ ଯୁକ୍ତିର ସମର୍ଥନରେ ଡକ୍ୟୁମେଣ୍ଟ ଉପସ୍ଥାପନ କରିବା ଉଚିତ୍ । ସେ କହିଥିଲେ ଯେ, ସାମ୍ବିଧାନିକ ପଦବିରେ ଥିବାରୁ ସେ ଶାସକ ବା ବିରୋଧୀ କାହା ଆଡକୁ ଚାହିଁବେ ନାହିଁ, ସେ କେବଳ ସମ୍ବିଧାନ ପ୍ରତି ଦୃଷ୍ଟି ଦେବେ । ଏହା ମାଧ୍ୟମରେ ଖଡଗେଙ୍କୁ ତାଙ୍କ ଉକ୍ତିର ସମର୍ଥନକାରୀ ଦଲିଲ ଉପସ୍ଥାନନ କରିବାକୁ ଧନଖଡ ଇଙ୍ଗିତ କରିଥିଲେ ।
Powered by Froala Editor