ଆଜି ପ୍ରଥମାଷ୍ଟମୀ, ପଢୁଆଁ ହେବେ ମହାପ୍ରଭୁ
ପୁରୀ: ଆଜି ପ୍ରଥମାଷ୍ଟମୀ । ଶ୍ରୀମନ୍ଦିରରେ ପଢୁଆଁ ହେବେ ବଡ଼ ଠାକୁର । ଏଥିପାଇଁ ମହାପ୍ରଭୁଙ୍କ ମାମୁଁ ଘର କଟକ ନିଆଳିର ଶ୍ରୀମାଧବନନ୍ଦ ଜୀଉ ମନ୍ଦିରରୁ ଆସିଛି ପଢୁଆଁଭାର ।ଭାରରେ ଅରୁଆ ଚାଉଳ, ବିରି, ନଡିଆ, ଗୁଡ, ଡାଲି, ପାଚିଲା କଦଳୀ, ଘିଅ, ଚନ୍ଦନ କାଠ, ପାନ, ଗୁଆ, ଅଳେଇଚ, ଲବଙ୍ଗ ଆଦି ଆସିଛି । ମହାପ୍ରଭୁଙ୍କ ଗୋପାଳବଲ୍ଲଭ ପାଇଁ ଫଳମୂଳ, ତୁଳସୀ ଓ ପଦ୍ମଫୁଲ ମାଳ ମଧ୍ୟ ଆସିଛି।
ପ୍ରଭୁ ମାଧବାନନ୍ଦ ଜୀଉଙ୍କ ଛତିଶା ନିଯୋଗ ସେବାୟତ ଓ ସ୍ଥାନୀୟ ଲୋକ ମାନେ ଶ୍ରୀଗୁଣ୍ତିଚା ମନ୍ଦିର ନିକଟରେ ପହଞ୍ଚିବା ପରେ ଏକ ବିରାଟ ଶୋଭାଯାତ୍ରାରେ ଶ୍ରୀମନ୍ଦିର ଅଭିମୁଖେ ଆସିଥିଲେ ।
ସେପଟେ ରାଜ୍ୟର ପୁରପଲ୍ଲୀରେ ଧୁମଧାମରେ ପାଳନ ହେଉଛି ପ୍ରଥମାଷ୍ଟମୀ । ଘରର ପ୍ରଥମ ସନ୍ତାନଙ୍କ ମଙ୍ଗଳମନାସୀ ପୂଜାର୍ଚ୍ଚନା କରାଯାଇଛି । ମାମୁଁ ଘରୁ ଆସିଥିବା ନୂଆ ଡ୍ରେସ୍ ପିନ୍ଧି, ପିଠା ଖାଇ ଅଷ୍ଟମୀ ପାଳୁଛନ୍ତି ସମସ୍ତେ ।
Powered by Froala Editor
