କିଛି ଦିନ ତଳେ ପତ୍ନୀ ଶାଲିନୀ ତଲୱାରଙ୍କ ଠାରୁ ଛାଡପତ୍ର ନେଇଥିଲେ ରାପର ୟୋ ୟୋ ହନି ସିଂହ । କିନ୍ତୁ ଶୁଣିବାକୁ ମିଳୁଛି ଯେ, ସେ କୁଆଡେ ପୁଣି ଥରେ ପ୍ରେମରେ ପଡିଛନ୍ତି । ତାଙ୍କ ନାମ ଏବେ ସିକ୍ରେଟ ରହିଛି । ତଥାପି ସେ ତାଙ୍କ ପ୍ରେମରେ ଉବୁଟୁବୁ ହେଉଥିବା ଚର୍ଚ୍ଚା ହେଉଛି । ଏକଥା ଆମେ କହୁନି, ନିକଟରେ ସେ ଇନ୍‌ଷ୍ଟାଗ୍ରାମରେ ଏକ ଫଟୋ ଶେଆର୍ କରିଥିଲେ। ଏହାକୁ ନେଇ ସେ ପୁଣି ଥରେ ପ୍ରେମରେ ପଡିଥିବା ନେଇ ଚର୍ଚ୍ଚା ହେଉଛି।

ହନି ସିଂହ ଅଭିନେତ୍ରୀ ତଥା ମଡେଲ ଟିନା ଥଡାନୀଙ୍କୁ ଡେଟ୍ କରୁଥିବା ନେଇ ବି-ଟାଉନରେ ଚର୍ଚ୍ଚା ଜୋର ଧରିଛି। ୧୮ ଅକ୍ଟୋବର ୨୦୨୨ରେ, ହନି ସିଂହ ତାଙ୍କ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଥିଲେ। ଏହି ଫଟୋରେ ଝିଅଟିର ଫଟୋ ଦୃଶ୍ୟମାନ ହେଉ ନଥିଲା, କିନ୍ତୁ ହନି ସିଂହ ତାଙ୍କ ହାତ ଧରିଥିଲେ। ହନି କ୍ୟାପସନରେ ଲେଖିଛନ୍ତି, ଏହା ସବୁ ଆମ ବିଷୟରେ। ମୁଁ ଆଉ ତୁମେ!! ମୋ ଗୀତ ଟୁଗେଦର ଫରଏଭର ଏବେ ଆସିଛି!! ହନି ସିଂହଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଜଣେ ୟୁଜର୍ସ ଦାବି କରିଛନ୍ତି ଯେ ହନି ସିଂହ ଅଭିନେତ୍ରୀ ଟିନା ଥଡାନୀଙ୍କ ପ୍ରେମରେ ପଡିଛନ୍ତି।

୨୦୧୧ରେ ଗାର୍ଲଫ୍ରେଣ୍ଡ ଶାଲିନୀ ତଲୱାରଙ୍କୁ ହନି ସିଂହ ଗୁପଚୁପ୍ ବିବାହ କରିଥିଲେ। ଏହାପରେ ଚଳିତ ବର୍ଷ ଦୁହେଁ ଅଲଗା ହୋଇଯାଇଥିଲେ। ହନି ସିଂହଙ୍କ ବିରୋଧରେ ତାଙ୍କ ପତ୍ନୀ ଶାଲିନୀ ଘରୋଇ ହିଂସା ଅଭିଯୋଗ ଆଣିଥିଲେ। କୋର୍ଟଙ୍କ ଅନୁମତି ପରେ ହନି ସିଂହ ଓ ଶାଲିନୀଙ୍କ ଛାଡପତ୍ର ହୋଇଛି।

Powered by Froala Editor