ନାମିବ୍ୟାରୁ ଅଣାଯାଇଥିବା ୮ଟି ଚିତାବାଘକୁ ମଧ୍ୟପ୍ରଦେଶର କୁନୋ ଅଭୟାରଣ୍ୟରେ ଛଡ଼ାଯାଇଛି । ୭୦ବର୍ଷ ପରେ ସେପ୍ଟେମ୍ୱର ୧୭ରେ ସ୍ବତନ୍ତ୍ର ଜମ୍ବୋ ଜେଟ୍‌ରେ ନାମିବ୍ୟାରୁ ୮ଟି ଚିତାବାଘକୁ ଭାରତ ଅଣାଯାଇଛି । ତେଣୁ କୁନୋ ପାର୍କ ପରିଚାଳନା ବିଭାଗ ଚିତା ଗୁଡ଼ିକଙ୍କର ସ୍ୱତନ୍ତ୍ର ସୁରକ୍ଷା ଦିଗରେ ଅଧିକ ଧ୍ୟାନ ଦେଉଛନ୍ତି ।

ରମାଦପୁରମର ସତପୁରା ଟାଇଗର ରିଜର୍ଭରୁ ଦୁଇଟି ହାତୀଙ୍କୁ ଚିତାଙ୍କ ସୁରକ୍ଷା ପାଇଁ ପାର୍କକୁ ଅଣାଯାଇଛି । ବାଘ ସୁରକ୍ଷାର ଅଭିଜ୍ଞତା ଥିବାରୁ ଲକ୍ଷ୍ମୀ ଏବଂ ସିଦ୍ଧନାଥଙ୍କୁ ପାର୍କକୁ ଅଣାଯାଇଛି ।

ଉଭୟ ହାତୀ ଦିନରାତି ଜାତୀୟ ଉଦ୍ୟାନରେ ପାଟ୍ରୋଲିଂ କରିବା ସହ ଚିତାବାଘଙ୍କ ଉପରେ ନଜର ରଖିଛନ୍ତି । ନାମ୍ବିଆରୁ ଆସିଥିବା ଚିତାଙ୍କୁ ସ୍ୱତନ୍ତ୍ର ଏନକ୍ଲୋଜରରେ କ୍ୱାରେଣ୍ଟାଇନରେ ରଖାଯାଇଛି । ସିଦ୍ଧନାଥ ଏବଂ ଲକ୍ଷ୍ମୀ ଜଙ୍ଗଲ କର୍ମଚାରୀଙ୍କ ସହିତ ନିରନ୍ତର ପାଟ୍ରୋଲିଂ କରୁଛନ୍ତି । ଚିତା ଥିବା ଏନକ୍ଲୋଜର କିମ୍ବା ଏହାର ଆଖପାଖକୁ ଯେପରି ଅନ୍ୟ କୌଣସି ବନ୍ୟଜନ୍ତୁ ନଆସନ୍ତି ତା’ ଉପରେ ନଜର ରଖିଛନ୍ତି ଦୁଇ ହାତୀ । ଚିତାଗୁଡ଼ିକୁ ଗୋଟିଏ ମାସ ପ୍ରର୍ଯ୍ୟନ୍ତ କ୍ୱାରେଣ୍ଟିନ୍‌ରେ ରଖାଯିବ ।

ତେବେ ଏହି ଦୁଇ ହାତୀଙ୍କ ମଧ୍ୟରୁ ସିଦ୍ଧନାଥ ରାଗୁଆ ହୋଇଥିବା ଡିଏଫ୍‌ଓ ପ୍ରକାଶ କୁମାର ବର୍ମା ସୂଚନା ଦେଇଛନ୍ତି । ସିଦ୍ଧନାଥକୁ ୩୦ ବର୍ଷ ହୋଇଥିବା ବେଳେ ସେ ୨୦୧୦ରେ ଦୁଇ ଜଣ ମାହୁନ୍ତଙ୍କ ଜୀବନ ନେଇଛି । ସେହିପରି ଲକ୍ଷ୍ମୀ ଶାନ୍ତ ସ୍ୱଭାବର ହୋଇଥିବା ବେଳେ ତାକୁ ଏବେ ୨୫ ବର୍ଷ ।

Powered by Froala Editor