କାଉଡିଆଙ୍କୁ ପିଟିଲା ଟ୍ରକ, ୫ ମୃତ
ଲକ୍ଷ୍ନୌ: ଉତ୍ତର ପ୍ରଦେଶରେ ମର୍ମନ୍ତୁଦ ସଡକ ଦୁର୍ଘଟଣା । ହାଥରସ ଠାରେ କାଉଡିଆଙ୍କୁ ପିଟିଲା ଟ୍ରକ । ଏଥିରେ ୫ କାଉଡ଼ିଆାଙ୍କ ମୃତ୍ୟୁ ହୋଇଥିବା ବେଳେ ୨ଜଣ ଗୁରୁତର ଆହତ ହୋଇଛନ୍ତି । ଶୁକ୍ରବାର ବିଳମ୍ବିତ ରାତି ୨.୧୫ ମିନିଟରେ ଏହି ଭୟଙ୍କର ଦୁର୍ଘଟଣା ଘଟିଛି ।
ସୂଚନାଅନୁସାରେ, ଗଙ୍ଗାଜଳ ନେଇ ହରିଦ୍ୱାରରୁ ଗ୍ୱାଲିଅର ଯାଉଥିବା ବେଳେ କାଉଡିଆଙ୍କୁ ଏକ ଟ୍ରକ ଧକ୍କା ଦେଇଥିଲା । ସର୍ବମୋଟ ୭ଜଣ କାଉଡିଆ ରହିଥିବା ବେଳେ ସେମାନଙ୍କ ମଧ୍ୟରୁ ୫ ଜଣଙ୍କ ମୃତ୍ୟୁ ହୋଇଛି ଏବଂ ୨ଜଣ ଗୁରୁତର ହୋଇଥିବା ବେଳେ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ଖବରପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ବେଳେ ଡ୍ରାଇଭରକୁ ଅଟକ ରଖି ପଚରାଉଚରା କରୁଛି । ଏନେଇ ସୂଚନା ଦେଇଛନ୍ତି ଆଗ୍ରା ଜୋନ ଏଡିଜି ରାଜୀବ କ୍ରିଷ୍ଣା ।
Powered by Froala Editor
