ଶ୍ରୀଲଙ୍କାର ଅବସ୍ଥା ଦିନକୁ ଦିନ ଶୋଚନୀୟ ହେବାରେ ଲାଗିଛି । ରାଷ୍ଟ୍ରପତି ଗୋଟବାୟା ରାଜପକ୍ଷେଙ୍କ ଇସ୍ତଫା ପରେ ମଧ୍ୟ ଜନତାଙ୍କ ଆକ୍ରୋଶ କମିନାହିଁ । ଏହାମଧ୍ୟରେ କାର୍ଯ୍ୟକାରୀ ରାଷ୍ଟ୍ରପତି ରାନିଲ ବିକ୍ରମସିଙ୍ଘେ ସୋମବାର ଦେଶରେ ପୁଣି ଜରୁରୀକାଳିନ ସ୍ଥିତି ଲାଗୁ କରିଛନ୍ତି । ଗୋଟାବାୟା ରାଜପକ୍ଷେ ରାଷ୍ଟ୍ରପତି ପଦରୁ ଇସ୍ତଫା ଦେଇ ଦେଶ ଛାଡ଼ିବା ପରେ ରାନିଲ କାମଚଳା ରାଷ୍ଟ୍ରପତି ନିଯୁକ୍ତି ହୋଇଛନ୍ତି । ଆସନ୍ତା ୨୦ ତାରିଖରେ ନୂଆ ରାଷ୍ଟ୍ରପତି ପଦ ପାଇଁ ଶ୍ରୀଲଙ୍କାର ସଂସଦରେ ନିର୍ବାଚନ ହେବ । ଏହା ପୂର୍ବରୁ ଦେଶରେ ଆଇନ ଶୃଙ୍ଖଳା ରକ୍ଷା ପାଇଁ ଜରୁରୀ ପରିସ୍ଥିତି ଲାଗୁ କରାଯାଇଛି ।

ରିପୋର୍ଟ ଅନୁସାରେ, ଗୋଟବାୟା ଦେଶ ଛାଡିବା ପରେ ଜନତା ଏବେ ନୂଆ ଦାବି କରୁଛନ୍ତି । ରାଷ୍ଟ୍ରପତି ପଦ ବ୍ୟବସ୍ଥା ଶେଷ କରିବାକୁ ସେମାନେ କହୁଛନ୍ତି । ପୂର୍ବରୁ ଲୋକେ ରାଷ୍ଟ୍ରପତି ଭବନ ମଧ୍ୟକୁ ପଶିଯାଇଥିଲେ । ଏହାସହ ପ୍ରଧାନମନ୍ତ୍ରୀଙ୍କ ବାସଭବନକୁ ମଧ୍ୟ କବଜା କରିନେଇଥିଲେ । ବିକ୍ରମସିଙ୍ଘେଙ୍କ ଘରକୁ ପ୍ରଦର୍ଶନକାରୀମାନେ ଜାଳିଦେଇଥିଲେ ।

ଶ୍ରୀଲଙ୍କାରେ ଆର୍ଥିକ ସଂକଟ ଯୋଗୁଁ ଏହି ଦେଶର ଶାସନ ବ୍ୟବସ୍ଥା ଭୁଶୁଡ଼ି ପଡ଼ିଛି । ଏସବୁ ମଧ୍ୟରେ ଶ୍ରୀଲଙ୍କାବାସୀଙ୍କ ପାଇଁ ସାମାନ୍ୟ ଆଶ୍ୱସ୍ତିକର ଖବର ଆସିଛି । ସରକାରୀ କମ୍ପାନୀ ସିଲୋନ୍ ପେଟ୍ରୋଲିୟମ ପେଟ୍ରୋଲ ଓ ଡିଜେଲ ଦରରେ ହ୍ରାସ କରିଛି । ଫେବ୍ରୁଆରୀ ପରେ ୫ ଥର ଦାମ୍ ବଢିବା ପରେ ଶେଷରେ ଦାମ୍ କମିଛି । 

Powered by Froala Editor