ଦ୍ରୌପଦୀଙ୍କ ପ୍ରତି ବଢୁଛି ସମର୍ଥନ: ସମର୍ଥନ ଘୋଷଣା କଲା ଜେଡି(ଏସ) ଦଳ
ବେଙ୍ଗାଲୁରୁ: ବିଜେପି ନେତୃତ୍ବାଧୀନ ଏନଡିଏ ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ପ୍ରତି ବଢୁଛି ରାଜନୈତିକ ଦଳର ସମର୍ଥନ । ଦିନକ ପରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବାକୁ ଥିବାବେଳେ ନିକଟରେ ଶିବସେନା, JMM ପରେ ଏବେ ଦ୍ରୌପଦୀ ମୁର୍ମୁଙ୍କୁ ନିଜର ସମର୍ଥନ ଘୋଷଣା କରିଛି ଜେଡି(ଏସ) ଦଳ । ବିଧାନସୌଧରେ ଜେଡି(ଏସ) ବିଧାୟକ ଦଳର ବୈଠକରେ ସର୍ବସମ୍ମତିକ୍ରମେ ଏହି ନିଷ୍ପତ୍ତି ନିଆଯାଇଛି । ଦଳୀୟ ନେତା ବନ୍ଦେପ୍ପା କାଶେମପୁର ଏହି ସୂଚନା ଦେଇଛନ୍ତି ।
ଜେଡି(ଏସ)ର ବିଧାୟକ ଦଳ ବୈଠକରେ କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏଚଡି କୁମାରସ୍ବାମୀ, ଦଳର ରାଜ୍ୟ ସଭାପତି ସି ଏମ ଇବ୍ରାହିମଙ୍କ ସମେତ ଅନ୍ୟାନ୍ୟ ବିଧାୟକମାନେ ଭର୍ଚୁଆଲ ଯୋଗ ସାମିଲ ହୋଇଥିଲେ । ଜେଡି(ଏସ) ବିଧାୟକ କହିଛନ୍ତି, ''ଦଳର ସୁପ୍ରିମୋ ଏଚଡି ଦେବଗୌଡା ପ୍ରଧାନମନ୍ତ୍ରୀ ଥିବା ସମୟରେ ମହିଳା ସଶକ୍ତିକରଣ ଉପରେ ଜୋର ଦେଇଥିଲେ । ଏହି ପରିପ୍ରେକ୍ଷୀରେ ଜଣେ ଆଦିବାସୀ ମହିଳା ରାଷ୍ଟ୍ରପତି ହେବା ଅତ୍ୟନ୍ତ ଗୌରବର ବିଷୟ । ଜେଡିଏସ ଦ୍ରୌପଦୀ ମୁର୍ମୁଙ୍କ ପୃଷ୍ଠଭୂମି ଏବଂ ତାଙ୍କ ସମ୍ପ୍ରଦାୟକୁ ଦୃଷ୍ଟିରେ ରଖି ସମର୍ଥନ କରିବାକୁ ନିଷ୍ପତ୍ତି ନେଇଛି ।
Powered by Froala Editor
