ନୂପୁର ଶର୍ମାଙ୍କ ବିରୋଧରେ ଏବେ ବି ଆକ୍ରମଣ ଜାରି ରହିଛି। କିଛି ଇସ୍‌ଲାମିକ ଦେଶର ହ୍ୟାକରମାନେ ସାଇବର ଆଟାକ୍ କରିବାକୁ ଅନ୍ୟ ଇସଲାମିକ ଦେଶକୁ ଆହ୍ୱାନ ଦେଇଛନ୍ତି। ସବୁଠାରୁ ବଡ଼କଥା ହେଲା ଏହି ଗ୍ରୁପ୍ ନୂପୁର ଶର୍ମାଙ୍କ ବ୍ୟକ୍ତିଗତ ସମସ୍ତ ତଥ୍ୟ ଯଥା ଆଧାର କାର୍ଡ ସୂଚନାକୁ ମଧ୍ୟ ଅନ୍‌ଲାଇନ୍ ଲିକ୍ କରାଯାଇଛି। ହ୍ୟାକରମାନେ ମଧ୍ୟ ଅନଲାଇନରେ ନୂପୁର ଶର୍ମାଙ୍କ ଘର ଠିକଣା, ଆଧାର କାର୍ଡ ଓ ପ୍ୟାନ କାର୍ଡ ତଥ୍ୟ ଲିକ କରିଦେଇଛନ୍ତି ।

ଅହମଦାବାଦ ପୁଲିସର ସାଇବର ସେଲ ପକ୍ଷରୁ କୁହାଯାଇଛି ଯେ ଡ୍ରାଗନ ଫୋର୍ସ ମାଲେସିଆ ଓ ହାକ୍ଟିଭିଷ୍ଟ ଇଣ୍ଡୋନେସିଆ ନାମକ ହ୍ୟାକର ଗୋଷ୍ଠୀ ପକ୍ଷରୁ ଏହି ଆକ୍ରମଣ କରାଯାଇଛି । ସମଗ୍ର ବିଶ୍ବର ମୁସଲିମ ହ୍ୟାକରମାନେ ଭାରତ ଉପରେ ସାଇବର ଆକ୍ରମଣ କରିବାକୁ ସେମାନେ ଆହ୍ବାନ ଦେଇଛନ୍ତି । ଏସବୁ ହ୍ୟାକରମାନେ ପ୍ରାୟ ୨ ହଜାର ଭାରତୀୟ ଓ୍ବେବସାଇଟକୁ ହ୍ୟାକ୍ କରିଛନ୍ତି । ସେସବୁ ସାଇଟ ମଧ୍ୟରେ ରହିଛି ଥାଣେ ପୁଲିସ, ଆନ୍ଧ୍ରପ୍ରଦେଶ ପୁଲିସର ଓ୍ବେବସାଇଟ ଓ ଆସାମର ଏକ ନ୍ୟୁଜ ଚ୍ୟାନେଲରେ ଓ୍ବେବସାଇଟ ।

ଏହି ନ୍ୟୁଜଚ୍ୟାନେଲରେ ସମ୍ବାଦ ପରିବେଷଣ କରାଯାଉଥିବାବେଳେ ଟିଭି ପରଦା ହଠାତ କଳା ହୋଇଗଲା ଓ ସେଥିରେ ପାକିସ୍ତାନର ପତାକା ଦେଖାଗଲା । ସେଥିରେ ଲେଖାଥିଲା ପ୍ରଫେଟଙ୍କୁ ସମ୍ମାନ କର । ତଳେ ଲେଖାଥିଲା ଟିମ ପିକେ ଦ୍ବାରା ହ୍ୟାକ ହୋଇଛି ।

Powered by Froala Editor