ଝିଅର ସମର୍ଥନ ପାଇଁ ପୁଅର ହାତ ଛାଡ଼ିଲେ ବିଜୟାଲକ୍ଷ୍ମୀ
![ଝିଅର ସମର୍ଥନ ପାଇଁ ପୁଅର ହାତ ଛାଡ଼ିଲେ ବିଜୟାଲକ୍ଷ୍ମୀ](https://odishanewslens.com/news_gallery/14667_1657307317.jpg)
ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ୱାଇଏସ ଜଗନ୍ ମୋହନ ରେଡ୍ଡୀଙ୍କ ମା ବିଜୟାମ୍ମା ଆଜି ୱାଇଏସଆର କଂଗ୍ରେସରୁ ଇସ୍ତଫା ଦେଇଛନ୍ତି । ଆଜି ଦଳ ପକ୍ଷରୁ ଆୟୋଜିତ ଏକ ମେଗା ମିଟିଂରେ ନିଜର ଇସ୍ତଫା ଘୋଷଣା କରି ସମସ୍ତଙ୍କୁ ଚକିତ କରିଛନ୍ତି ବିଜୟାଲକ୍ଷ୍ମୀ। ଆନ୍ଧ୍ରର ପଡ଼ୋଶୀ ତେଲେଙ୍ଗାନାରେ ବିଜୟା ଲକ୍ଷ୍ମୀଙ୍କ ଝିଅ ୱାଇଏସ ଶର୍ମିଲାଙ୍କ ଦ୍ୱାରା ପରିଚାଳିତ ରାଜନୈତିକ ଦଳ ପାଇଁ ସେ କାମ କରିବେ ।
ସେ ତାଙ୍କ ଝିଅକୁ ସମର୍ଥନ କରିବା ପାଇଁ ଏହି ନିଷ୍ପତ୍ତି ନେଇଛନ୍ତି। ତାଙ୍କ ଝିଅ ତେଲେଙ୍ଗାନାରେ ଏକ ନୂତନ ଦଳ ଗଠନ କରିଥିବାବେଳେ, ତେଲେଙ୍ଗାନାରେ ବିଧାନସଭା ନିର୍ବାଚନ ହେବାର ଅଛି। ଖବର ଅନୁଯାୟୀ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ୱାଇଏସ ଜଗନ୍ ମୋହନ ରେଡ୍ଡୀଙ୍କ ଭଉଣୀ ତଥା ପୂର୍ବତନ ମୁଖ୍ୟମନ୍ତ୍ରୀ ୱାଇଏସ ରାଜସେଖର ରେଡ୍ଡୀଙ୍କ ଝିଅ ୱାଇଏସ ଶର୍ମିଲା ନିଜର ନୂଆ ଦଳ ଆରମ୍ଭ କରିଥିଲେ ।
ଏହି ନୂଆ ଦଳର ନାମ ୱାଇଏସଆର ତେଲେଙ୍ଗାନା ପାର୍ଟି ରଖାଯାଇଥିବାବେଳେ ଏହାକୁ ନେଇ ଜଗନ୍ ରେଡ୍ଡୀ ଏବଂ ତାଙ୍କ ଭଉଣୀଙ୍କ ମଧ୍ୟରେ ମତଭେଦ ଦେଖାଦେଇଥିଲା। ଏକ ବର୍ଷ ପୂର୍ବେ ଶର୍ମିଲା ୱାଇଏସଆର ତେଲେଙ୍ଗାନା ପାର୍ଟି (YSRTP) ଘୋଷଣା କରିଥିଲେ। ଆଉ ଜଗନ୍ ରେଡ୍ଡୀ ତାଙ୍କ ଭଉଣୀଙ୍କ ତେଲେଙ୍ଗାନାରେ ଦଳ ଗଠନକୁ ବିରୋଧ କରିଥିଲେ। ଆଜି ଜଗନଙ୍କ ମା, ୱାଇଏସଆର କଂଗ୍ରେସରୁ ଇସ୍ତଫା ଦେଇ ନିଜ ଝିଅଙ୍କୁ ସମର୍ଥନ ଦେବାକୁ ଆଗେଇ ଆସିଛନ୍ତି ।
ବିଜୟାଲକ୍ଷ୍ମୀ କହିଛନ୍ତି ଯେ, ମୁଁ ଅତ୍ୟନ୍ତ ଦୃଢ଼ ଆତ୍ମବିଶ୍ୱାସୀ ଯେ, ମୋ ପୁଅ ପୁଣି ଥରେ ମୁଖ୍ୟମନ୍ତ୍ରୀ ଭାବେ ଜିତିବେ। ତାର ଖରାପ ସମୟରେ ମୁଁ ସାଥ ଦେଇଛି। ଏବେ ତାର ଭଲ ସମୟ ଚାଲିଛି। ଯଦି ମୁଁ ମୋ ଝିଅ ସହ ସାଥ ନଦେଇ ପାରୁଛି ମୁଁ ନିଜକୁ ଦୋଷୀ ଅନୁଭବ କରୁଛି। ତେଣୁ ମୁଁ ୱାଇଏସଆର କଂଗ୍ରେସ ଦଳର ସଭାତି ପଦରୁ ଇସ୍ତଫା ଦେଉଥିବା କହିଛନ୍ତି।
Powered by Froala Editor