ଜାପାନୀ କମ୍ପାନିର ନୂଆ ଉଦ୍ଭାବନ : ବନ୍ୟା ହେଲେ ପାଣିରେ ଭାସିବ ଘର
‘ଇଚିଜୋ କୋମୁତେନ୍’ ନାମକ ଗୃହ ନିର୍ମାଣକାରୀ ଜାପାନୀ କମ୍ପାନି ବନ୍ୟା ପ୍ରତିରୋଧକ ଭାସମାନ ବାସଗୃହ ଉଦ୍ଭାବନ କରିଛି। କମ୍ପାନି କହିଛି, ମୋଟା ଲୁହାଛଡ଼ରେ ସଂଯୋଗ କରାଯାଇଥିବା ଏହି ଘରକୁ ମୋଟା କେବୁଲ୍ଦ୍ବାରା ଭୂଇଁରେ ସଂଯୋଗ କରାଯାଇଛି। ଫଳରେ ପାଣି ବଢ଼ିଲେ ଘରଟି ଉପରକୁ ଭାସି ଉଠେ ଏବଂ ବଢ଼ିପାଣି କମିଗଲେ ପୁଣି ଭୂଇଁରେ ଲାଗିଯାଏ। ଏହି ଘରଟି ୫ ମିଟର୍ଯାଏ ଜଳପତ୍ତନ ଉପରେ ଭାସି ପାରିବ। ଜଳ ସଂସ୍ପର୍ଶରେ ନ ଆସିବାକୁ ସେ ଘରେ ଥିବା ବୈଦ୍ୟୁତିକ ସରଞ୍ଜାମ ସବୁ ଉପର ଭାଗରେ ଲଗାଯାଇଛି।
ଯୁକ୍ତରାଷ୍ଟ୍ର ଆମେରିକାର ଏକ ଟେଲିଭିଜନ୍ ଚାନେଲ୍ ସହିତ ସାକ୍ଷାତ୍କାର ବେଳେ କମ୍ପାନି କହିଛି, ଉକ୍ତ ଘରଟି ଦେଖିବାକୁ ଗୋଟାଏ ସାଧାରଣ ଘର ପରି, କିନ୍ତୁ ସେ ଘର ଚାରିପଟେ ପାଣି ଘେରିଗଲେ ଧୀରେ ଧୀରେ ତାହା ଭୂଇଁ ଛାଡ଼ି ଉପରକୁ ଉଠିଯିବ। ଏଥିପାଇଁ କମ୍ପାନି ସର୍ବସମ୍ମୁଖରେ ଏହାର ନମୁନା ପ୍ରଦର୍ଶନ କରିଛି ।
Powered by Froala Editor
