ନଦିଆରେ ବିଗିଡିଲା ଆଇନଶୃଙ୍ଖଳା, ଷ୍ଟେସନରେ ଟ୍ରେନ୍ ଭଙ୍ଗାରୁଜା
ପ୍ରଫେଟ ମହମ୍ମଦ ବିରୋଧୀ ମନ୍ତବ୍ୟ ନେଇ ପ୍ରତିବାଦ ଉଗ୍ର ହେବାରେ ଲାଗିଛି। ପଶ୍ଚିମବଙ୍ଗର ନଦିଆ ଜିଲ୍ଲାରେ ଟ୍ରେନକୁ ଟାର୍ଗେଟ କରିଛନ୍ତି ବିକ୍ଷୋଭକାରୀ । ବେଥୁଆଡହରୀ ରେଳ ଷ୍ଟେସନରେ ପ୍ରଦର୍ଶନକାରୀ ଛିଡ଼ା ହୋଇଥିବା ଏକ ଲୋକାଲ ଟ୍ରେନ୍କୁ ଆନ୍ଦୋଳନକାରୀ ଭଙ୍ଗାରୁଜା କରିଛନ୍ତି । ଆକ୍ରମଣ ଯୋଗୁଁ ଲାଲଗୋଲା ଲାଇନରେ ରେଳସେବା ବାଧାପ୍ରାପ୍ତ ହୋଇଛି । ଖବର ପାଇ ଘଟଣାସ୍ଥଳରେ ଜିଆରପି, ଆରପିଏଫ ଓ ପୋଲିସ ଟିମ ପହଞ୍ଚିଛନ୍ତି । କେତେକ ବିକ୍ଷୋଭକାରୀ ଷ୍ଟେସନ ଭିତରେ ଭଙ୍ଗାରୁଜା କରିଛନ୍ତି।
ସେହିପରି ମୁର୍ଷିଦାବାଦର ଶକ୍ତିପୁରରେ ଆନ୍ଦୋଳନକାରୀମାନେ ଭଙ୍ଗାରୁଜା କରିବା ସହ କେତେକ ଦୋକାନରେ ଲୁଟପାଟ କରିଛନ୍ତି। ଖବର ପାଇ ପୁଲିସ ଟିମ୍ ଘଟଣାସ୍ଥଳକୁ ଯାତ୍ରା କରିଛି। ପରିସ୍ଥିତି ଉତ୍ତେଜନାପୂର୍ଣ୍ଣ ରହିଛି। ପଶ୍ଚିମବଙ୍ଗର ହାଓଡ଼ା ଜିଲାରେ ପରିସ୍ଥିତି ସୁଧୁରି ନାହିଁ। ଶନିବାର ପୁନର୍ବାର କେତେକ ସ୍ଥାନରେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି। ବିଭିନ୍ନ ସ୍ଥାନରେ ରାସ୍ତାରୋକ ସହ ରେଳରୋକ କରାଯାଇଛି।
Powered by Froala Editor
