ଗୁଜୁରାଟ ପାଇଁ ଆପର ନୂଆ ଟିମ
ଗୁଜୁରାଟ ବିଧାନସଭା ନିର୍ବାଚନ ପୂର୍ବରୁ ଆମ୍ ଆଦମୀ ପାର୍ଟି ନୂତନ ଟିମ ଘୋଷଣା କରିଛି। କିଛିଦିନ ତଳେ ଆମ୍ ଆଦମୀ ପାର୍ଟି ଗୁଜୁରାଟ ୟୁନିଟକୁ ଭାଙ୍ଗିଦେଇଥିଲା । ଦଳ ପକ୍ଷରୁ କୁହାଯାଇଥିଲା ବିଧାନସଭା ନିର୍ବାଚନ ପାଇଁ ଏହି ନିଷ୍ପତ୍ତି ନିଆଯାଇଛି। ନୂତନ ନେତୃତ୍ୱ ଏବଂ ନୂତନ ନେତାଙ୍କ ଟିମକୁ ନେଇ କାର୍ଯ୍ୟ କରାଯିବ । ଏହି ପର୍ଯ୍ୟାୟରେ, ଆପ ନୂତନ ଟିମ ବାବଦରେ ଘୋଷଣା କରିଛି ।
ଆମ୍ ଆଦମୀ ପାର୍ଟି କିଶୋରଭାଇ ଦେଶାଇଙ୍କୁ ଦଳର ଗୁଜୁରାଟ ୟୁନିଟର ସଭାପତି ଭାବରେ ମନୋନୀତ କରିଥିବାବେଳେ ମନୋଜ ସୋରାଥିଆଙ୍କୁ ରାଜ୍ୟ ସାଧାରଣ ସମ୍ପାଦକ ଭାବରେ ନିଯୁକ୍ତ କରାଯାଇଛି। ଇସୁଦାନ ଗଡଭୀଙ୍କୁ ଆମ୍ ଆଦମୀ ପାର୍ଟିର ଜାତୀୟ ଯୁଗ୍ମ ସାଧାରଣ ସମ୍ପାଦକ ଓ ଇନ୍ଦ୍ରନିଲ ରାଜଗୁରୁଙ୍କୁ ଜାତୀୟ ଯୁଗ୍ମ ସଚିବ ଭାବରେ ନିଯୁକ୍ତ କରାଯାଇଛି।
ଗୁଜୁରାଟ ବିଧାନସଭା ନିର୍ବାଚନରେ ପୂର୍ବରୁ ଆମ୍ ଆଦମୀ ପାର୍ଟି ଏପର୍ଯ୍ୟନ୍ତ କୌଣସି ଆସନ ଜିତିବାରେ ସକ୍ଷମ ହୋଇନଥିବାବେଳେ, ଏଥର କଂଗ୍ରେସ ଉପରେ ଥିବା ଅସନ୍ତୁଷ୍ଟ ଭୋଟ ଆପକୁ ମିଳିବ ବୋଲି ଦଳ ଆଶା କରୁଛି ।
Powered by Froala Editor
