ନୂଆଦିଲ୍ଲୀ:କରୋନାର ବଢୁଥିବା ମାମଲା ଭିତରେ ମଙ୍କିପକ୍ସ ସଂକ୍ରମଣ ସାରା ଦୁନିଆ ପାଇଁ ଏବେ ଚିନ୍ତାର କାରଣ ପାଲଟିଛି । ବିଶ୍ୱର ପ୍ରାୟ ୨୯ଟି ଦେଶରେ ମଙ୍କିପକ୍ସ ମାମଲା ଚିହ୍ନଟ ହୋଇସାରିଛି । ଏହା ଭିତରେ ମଙ୍କିପ୍ସ ଭାଇରସକୁ ନେଇ ଆଶ୍ଚର୍ୟ୍ୟଜନକ ଖବର ସାମନାକୁ ଆସିଛି ।

ୟୁଏସ ସେଣ୍ଟର ଫର ଡିଜିଜ୍ ଆଣ୍ଡ୍ ପ୍ରିଭେନସନ୍(ସିଡିସି)ର ବିଶେଷଜ୍ଞ କହିଛନ୍ତି ଯେ, ମଙ୍କପକ୍ସ ଭାଇରସ୍ ପବନରେ ମଧ୍ୟ ବ୍ୟାପିପାରେ । ବିଶେଷଜ୍ଞଙ୍କ କହିବା ଅନୂୁଯାୟୀ, ଯଦି ଜଣେ ସଂକ୍ରମିତ ବ୍ୟଙ୍କିଙ୍କ ସଂସ୍ପର୍ଶରେ ଅନ୍ୟ କୌଣସି ବ୍ୟକ୍ତି ଦୀର୍ଘ ସମୟ ଯାଏଁ ରୁହନ୍ତି ତେବେ ଏହି ଭାଇରସ୍ ପବନରେ ବ୍ୟାପୀପାରେ । ତେବେ ବିଶେଷଜ୍ଞଙ୍କ କହିବା ଅନୁସାରେ ମଙ୍କିପକ୍ସ ଭାଇରସ୍ ପବନରେ ବେଶି ଦୂର ଯାଏଁ ବ୍ୟାପୀପାରେ ନାହିଁ । ଏଥିପାଇଁ ଲୋକଙ୍କୁ ମାସ୍କ ଲଗାଇବା ଜରୁରୀ ବୋଲି ବିଶେଷଜ୍ଞମାନେ ସଚେତନ କରାଇଛନ୍ତି ।

ଡେଲିମେଲ ରିପୋର୍ଟ ଅନୁସାରେ, ସିଡିସିର ମୁଖ୍ୟ ରୋସେଲ ବାଲେକ୍ସି କହିଛନ୍ତି ଯେ, ଅନେକ ସ୍ଥାନରେ େରୋଗୀଙ୍କ ସହ ସମ୍ପର୍କରେ ଆସିବା ଦ୍ୱାରା ବା ସେମାନଙ୍କ ବ୍ୟବହାର୍ୟ୍ୟ ପୋଷକ କିମ୍ବା ଅନ୍ୟ ସାମଗ୍ରୀକୁ ଛୁଇଁବା ଦ୍ୱାରା ମଙ୍କିପକ୍ସ ବ୍ୟପୀଥାଏ । ଏହି କାରଣରୁ ମଙ୍କିପକ୍ସ ସଂକ୍ରମିତ ବ୍ୟକ୍ତିଙ୍କ ନିକଟକୁ ନଯିବା ପାଇଁ ସିଡିସି ପକ୍ଷରୁ ପରାମର୍ଶ ଦିଆଯାଇଛି ।

Powered by Froala Editor