୩ କଣ୍ଢେଇ ବିକାଳିଙ୍କ ଉପରେ ମାଡିଗଲା ଡମ୍ଫର
ପେଟ ପୋଷିବା ପାଇଁ ରାସ୍ତା କଡରେ ବିକ୍ରି କରୁଥିଲେ କଣ୍ଢେଇ । ବାସସ୍ଥାନ ନଥିବାରୁ ରାସ୍ତା କଡ ହିଁ ସବୁକିଛି ଥିଲା । କିନ୍ତୁ ଦାନବ ସାଜି ଏକ ଡମ୍ଫର ୩ ଜଣ କଣ୍ଢେଇ ବିକାଳିଙ୍କ ଜୀବନ ନେଇଯାଇଛି । ପୁଲିସ ଘଟଣାସ୍ଥଳରେ ପହଞ୍ଚି ଡମ୍ଫରକୁ ଜବତ କରିବା ସହ ଚାଳକକୁ ଗିରଫ କରିଛି।
ସୂଚନା ଯୋଗ୍ୟ, ଉକ୍ତ ୩ ଜଣ ଯୁବକ ଉତ୍ତରପ୍ରଦେଶର ଗୋରଖପୁର ଜିଲା ପାଦଲଗଞ୍ଜରେ ରାସ୍ତା କଡରେ ଟେଡିବିୟର ବିକିବାର କାମ କରୁଥିଲେ। ରାତି ସମୟରେ ରାସ୍ତା କଡରେ ଥିବା ଝୁମ୍ପୁଡିରେ ହିଁ ଶୋଇପଡିଥିଲେ। ଶୁକ୍ରବାର ଭୋର ୪ଟା ସମୟରେ ଏକ ମାଟି ବୋଝେଇ ଡମ୍ଫର ରାସ୍ତା କଡରେ ଥିବା ଝୁମ୍ପୁଡି ଉପରେ ମାଡି ଯିବା ସହ ଗଛକୁ ଧକ୍କା ଦେଇଥିଲା। ଫଳରେ ଝୁମ୍ପୁଡିରେ ଥିବା ୩ ଜଣଙ୍କ ମୃତ୍ୟୁ ଘଟିଛି ।
ଏହି ଦୁର୍ଘଟଣାରେ ମୁଖ୍ୟମନ୍ତ୍ରୀ ଯୋଗୀ ଆଦିନାଥ ଗଭୀର ଶୋକ ପ୍ରକାଶ କରିଛନ୍ତି। ମୁଖ୍ୟମନ୍ତ୍ରୀ ମୃତକଙ୍କ ପରିଜନଙ୍କୁ ୨ ଲକ୍ଷ ଲେଖାଏଁ ଓ ଆହତଙ୍କୁ ୫୦ ହଜାର ଲେଖାଏଁ ସହାୟତା ରାଶି ଘୋଷଣା କରିଛନ୍ତି।
Powered by Froala Editor
