ଅନ୍ତର୍ଜାତୀୟ ଭାରତୀୟ ଚଳଚ୍ଚିତ୍ର ଏକାଡେମୀ (ଆଇଆଇଏଫଏ) ପୁରସ୍କାର କାର୍ଯ୍ୟକ୍ରମରେ ଯୋଗ ଦେବା ପାଇଁ ଅବୁଧାବୀ ଯାଇପାରିବେ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡିଜ୍‌। କୋର୍ଟ ତାଙ୍କୁ ବିଦେଶଗସ୍ତ କରିବାକୁ ଅନୁମତି ଦେଇଛନ୍ତି। ମେ ୩୧ ତାରିଖରୁ ଜୁନ ୬ ତାରିଖ ପର୍ଯ୍ୟନ୍ତ IIFA ଆୱାର୍ଡ ଆୟୋଜିତ ହେବ। ଏଥିରେ ସେ ଯୋଗ ଦେଇପାରିବେ ବୋଲି କୋର୍ଟ କହିଛନ୍ତି।

କନମ୍ୟାନ ସୁକେଶ ଚନ୍ଦ୍ରଶେଖରଙ୍କ ସହ ଜଡିତ ୨୦୦କୋଟି ଟଙ୍କା ବେଆଇନ କାରବାର ମାମଲାରେ ଜ୍ୟାକଲିନ ସମ୍ପୃକ୍ତ ଥିବା ଅଭିଯୋଗରେ ଇଡି ପକ୍ଷରୁ ତଦନ୍ତ କରାଯାଉଛି। ଫଳରେ ତାଙ୍କୁ ଭାରତ ଛାଡିବାକୁ ବାରଣ କରାଯାଇଥିଲା। ତେବେ ଆୱାର୍ଡ କାର୍ଯ୍ୟକ୍ରମ ପାଇଁ ଯିବାକୁ ଜ୍ୟାକ୍‌ଲୀନଙ୍କୁ ଅନୁମତି ମିଳିଥିବା ବେଳେ ଏଥିପାଇଁ ସର୍ତ୍ତ ରଖିଛନ୍ତି କୋର୍ଟ। ଜ୍ୟାକଲିନ ଆବୁଧାବିରେ ଥିବାବେଳେ ସେ ଯେଉଁ ହୋଟେଲରେ ରହିବେ ସେ ସମ୍ବନ୍ଧରେ ସବିଶେଷ ତଥ୍ୟ ଦାଖଲ କରିବାକୁ ହେବ। ଛନ୍ତି। କେବଳ ସେତିକି ନୁହେଁ ତାଙ୍କ ଫେରିବା ନେଇ ମଧ୍ୟ ଅଭିନେତ୍ରୀ ଇଡିକୁ ସୂଚନା ଦେବେ ବୋଲି କୋର୍ଟ ନିର୍ଦ୍ଦେଶ ଦେଇଛନ୍ତି। ଏହା ସହ ତାଙ୍କୁ ୫୦ ଲକ୍ଷ ଟଙ୍କା ସନୁଶ୍ଚିତ ଜମାରାଶି ଦେବାକୁ ପଡ଼ିବ। ତାଙ୍କୁ ମେ ୩୧ ରୁ ଜୁନ୍ ୬ ପର୍ଯ୍ୟନ୍ତ ଆବୁଧାବି ଯାତ୍ରା କରିବାକୁ ଅନୁମତି ଦେଇଛନ୍ତି।

Powered by Froala Editor